ფოთში ტურიზმის განვითარებისათვის მნიშვნელოვანი პრიორიტეტი სასტუმროთა ქსელის გაფართოებაა.

ამის შესახებ „ექსპრესნიუსს“ ფოთის მერიიდან აცნობეს.

მათივე ინფორმაციით, ამ მიზნით, ადგილობრივი ხელისუფლება ინვესტორებთან კონტაქტების დამყარებაზე ზრუნავს.

ქალაქ ფოთის მუნიციპალიტეტის მერს ირაკლი კაკულიას დეველოპერული კომპანია შპს ,,სიმეტრია“-ს მეპატრონე, ყაზახეთში მოღვაწე ქართველი ბიზნესმენი შალვა ჯახუტაშვილი და კომპანიის დირექტორი გოჩა ჯაიანი საინტერესო ინიციატივით ეწვივნენ.

შეხვედრისას ითქვა, რომ კომპანიის ხელმძღვანელობას გადაწყვეტილი აქვს ფოთში, ქალაქის ცენტრალურ ნაწილში, თანამედროვე ტიპის სასტუმრო ააშენოს. საუბრისას მშენებლობისათვის მიწის გამოყოფისა და სხვა საქმიანი საკითხები გამოიკვეთა. ამ ეტაპზე პირობებისა და პარტნიორული ნიუანსების შეთანხმება მიმდინარეობს. ირაკლი კაკულიამ ინვესტორის წინადადება მოიწონა და სასიკეთო პროექტის განხორციელების საქმეში მხარდაჭერა გამოხატა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ელენე ხოშტარია - ვივამედის კლინიკიდან ვბრუნდები რუსთავის ციხეში - მკურნალობის პირველი ეტაპი დასრულებულია

პენიტენციური სამსახური უარყოფს რეჟიმის პატიმარ არჩილ მუსელიანცის ბრალდებებს

ევროკავშირის წარმომადგენლობა - ევროკავშირი მტკიცედ უჭერს მხარს საქართველოს დამოუკიდებლობას, სუვერენიტეტსა და ტერიტორიულ მთლიანობას

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს