ზუგდიდის მუნიციპალიტეტის გამგებლის მოადგილე გიზო სართანიამ დღეს, ადმინისტრაციულ ერთეულებში გამგებლის წარმომადგენლებთან საინფორმაციო სახის შეხვედრა გამართა.

ზუგდიდის გამგეობის ინფორმაციით, გიზო სართანიამ შეხვედრაზე შეზღუდული შესაძლებლობების მქონე პირთა საკითხებზე და მათ საჭიროებებზე ისაუბრა. სართანიამ ყურადღება გაამახვილა შშმ პირთათვის ადაპტირებული გარემოს შექმნის აუცილებლობაზე.

ამასთან, გამგებლის წარმომადგენლებს სპეციალური კითხვარი გადაეცათ, სადაც ჩამოთვლილია შემდეგი საკითხების მოკვლევა; რამდენი სკოლაა სოფელში, სწავლობს თუ არა შშმ პირი (რომელ კლასშია). ადპტირებულია თუ არა სკოლა, კლასი, სველი წერტილი? რამდენი სკოლამდელი დაწესებულებაა სოფელში, არიან თუ არა შშმ ბავშვები. ადაპტირებულია თუ არა ბაღი, სველი წერტილი?

ასევე კითხვარში მითითებულია სხვა დაწესებულებები, სადაც საჭიროა ადაპტაცია მათ შორის მშენებარე ობიექტებიც.

გამგებლის მოადგილის გიზო სართანიას განმარტებით გამგეობა არასამთავრობო ორგანიზაციებთან ერთად აქტიურად ჩაერთვება ამ პრობლემის მოგვარებაში და იზრუნებს შშმ პირთათვის ადაპტირებული გარემოს შექმნაში. სართანია აქვე დასძენს, რომ გამგეობა შშმ პირთათვის მომვლელთა პროგრამას უკვე ახორციელებს და არა ერთ ბენეფიციარს გაეწია ამ პროგრამით დახმარება.

„მომვლელის პროგრამით სარგებლობა მხოლოდ იმ ბენეფიციარებს შეუძლიათ, რომლებსაც დამოუკიდებლად გადაადგილება შეზღუდული აქვთ“. – განაცხადა გიხო სართანიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ელენე ხოშტარია - ვივამედის კლინიკიდან ვბრუნდები რუსთავის ციხეში - მკურნალობის პირველი ეტაპი დასრულებულია

პენიტენციური სამსახური უარყოფს რეჟიმის პატიმარ არჩილ მუსელიანცის ბრალდებებს

ევროკავშირის წარმომადგენლობა - ევროკავშირი მტკიცედ უჭერს მხარს საქართველოს დამოუკიდებლობას, სუვერენიტეტსა და ტერიტორიულ მთლიანობას

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს