დღეს ბულგარეთიდან საქართველოს ასამდე მოქალაქე სამშობლოში სპეცრეისით დაბრუნდება

2020-04-01 13:07:13, 1309 ნახვა

საზოგადოება

ავიაკომპანია Myway Airlines ბულგარეთის ქალაქ ბურგასიდან საქართველოს ასამდე მოქალაქეს სამშობლოში დღეს, ჩარტერული რეისით დააბრუნებს.

აღნიშნული ფრენა, ბოინგ 737-800 ტიპის თვითმფრინავით შესრულდება. ხომალდი თბილისის საერთაშორისო აეროპორტში თბილისის დროით 16:30 საათზე დაეშვება.

მგზავრებს შორის საქართველოს გადამზიდავი კომპანიების ის მძღოლებიც არიან, რომლებსაც ბულგარეთის მხარემ, ქვეყანაში არსებული საკარანტინო შეზღუდვის გამო, ბორანზე ასვლისა და საკუთარ ავტომობილებთან ერთად გამომგზავრების უფლება არ მისცა.

Myway Airlines-ის მიერ გავრცელებული ინფორმაციით, სოციალური პასუხისმგებლობის ფარგლებში, ავიაკომპანია სპეციალურ რეისს თვითღირებულებით ასრულებს და საქართველოს მოქალაქეების ტრანსპორტირების პროცესში, ჯანმრთელობის მსოფლიო ორგანიზაციის რეკომენდაციებით ხელმღვანელობს.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,