სამების საკათედრო ტაძარში საპატრულო პოლიცია გამოიძახეს - ეს მას შემდეგ გახდა საჭირო რაც მრევლს, კორონავირუსის დაცვისგან საჭირო დისტანცია არ ჰქონდათ დაცული. პოლიცია მრავლმა გამოიძახა. 
ხალხმრავლობაა ბათუმის წმინდა ნინოს სახელობის ტაძარში, რომელიც სასულიერო გიმნაზიაში მდებარეობს. მრევლი საკვირაო წირვას თავდაპირველად ეკლესიაში ესწრებოდა, სატელევიზო კამერების გამოჩენის შემდეგ კი, შეკრებილებს სასულიერო პირებმა მოუწოდეს, დისტანცია დაეცვათ და ეზოში გასულიყვნენ. მოწოდების შემდეგ, მრევლის ნაწილი ეზოში გადანაწილდა.

ბაგრატის საკათედრო ტაძარში საკვირაო წირვა-ლოცვისას, ამ დროისთვის, ასამდე ადამიანი იმყოფება, მათ შორის არიან ბავშვები. მრევლს შორის დაცული არ არის დისტანცია. მოქალაქეების თქმით, ისინი უფლის იმედად არიან, ტაძარში თავს დაცულად გრძნობენ და სინოდის გადაწყვეტილების შესაბამისად მოიქცევიან.

ოზურგეთის ღვთისმშობლის მიძინების სახელობის საკათედრო ტაძარში საკვირაო წირვა - ლოცვა ჩვეულებისამებრ მიმდინარეობს. წირვის დაწყებამდე მამა ზაქარიამ მრევლს მოუწოდა დისტანცია დაეცვათ და სახელმწიფოს მოთხოვნები შეესრულებინათ, თუმცა მრევლის სიმრავლის გამო ,საჭირო დისტანციის დაცვა ოზურგეთის საკათედრო ტაძარში ვერ მოხერხდა.
ალავერდის ეპარქიის ტაძრებში საკვირაო წირვა მიმდინარეობს. თელავის ღვთაების ფერიცვალების და ალავერდის წმინდა გიორგის ტაძარში დილიდან მრევლია შეკრებილი.
წმინდა გიორგის მამათა მონასტერში მსახურებას მამა გიორგი პაპუნაშვილი აღავლენს. წირვა ჩვეულ რეჟიმში მიმდინარეობს.
ეკლესის მსახურები შეძლებისდაგვარად დიატანციის დაცვას ცდილობენ, თუმცა ტაძარში მყოფი მორწმუნეების როდენობა საკმაოდ დიდია.

ფოთის საკათედრო ტაძარში წირვა-ლოცვა მეუფე გრიგოლმა აღავლინა.ის მრევლს სთხოვეს, მაქსიმალურად თავი შეიკავონ ტაძარში შესვლისაგან და მათ შესაძლებლობა მიეცემოდათ წირვა მოესმინათ ტაძრის ეზოში განთავსებული ხმის გამაძლიერებლების საშუალებით.

ავტორი: ექსპრესნიუსი,

სოციალური ქსელები

21 ოქტომბრიდან სეზონური გრიპის საწინააღმდეგო ვაქცინაცია დაიწყება - აცრა ყველა მოქალაქისთვის უფასოა

საქართველოს ბანკის მხარდაჭერით, მეწარმე ქალთა განვითარების პროგრამის ფარგლებში, თელავში 22 მეწარმე გადამზადდა

დევნილთა ფულადი კომპენსაციის მისაღებად განაცხადების მიღება დღეს დაიწყო და 2 ნოემბრის ჩათვლით გაგრძელდება

მილანში ახალგაზრდების პროტესტი არეულობაში, ძარცვასა და ცეცხლის წაკიდებაში გადაიზარდა