|
2015-08-04 17:34:36, 839 ნახვა
ეკონომიკა
ნათია მიქელაძე ბრიტანული საერთაშორისო ლოგისტიკური კომპანიის ხელმძღვანელ პირებს შეხვდა
საქართველოს ეკონომიკისა და მდგრადი განვითარების მინისტრის მოადგილე ნათია მიქელაძე ბრიტანული საერთაშორისო ლოგისტიკური კომპანიის „დელამოდ გრუპის“ ხელმძღვანელ პირებს შეხვდა. ეკონომიკის სამინისტროს ინფორმაციით, შეხვედრაზე მხარეებმა საქართველოს სატრანზიტო და ლოგისტიკური მიმართულებების განვითარების შესაძლებლობები და აღნიშნულ სექტორებში უცხოური ინვესტიციების მოზიდვის პოტენციალი განიხილეს. „დელამოდ გრუპის“ მიერ შეხვედრაზე აღინიშნა, რომ მათ მიერ შემოთავაზებული საინვესტიციო პროექტი პირველ ეტაპზე ითვალისწინებს “A” კლასის მრავალფუნქციური ლოგისტიკური ცენტრის განვითარებას. გარდა ამისა, საერთაშორისო ინვესტორები დაინტერესდნენ საქართველოში მოქმედი თავისუფალი ინდუსტრიული ზონების ფუნქციონირების შესახებ, რაზეც მათ მიეწოდათ დეტალური ინფორმაცია. საქართველოს ეკონომიკისა და მდგრადი განვითარების მინისტრის მოადგილის, ნათია მიქელაძის განცხადებით, საქართველოს მთავრობის ერთ–ერთ მთავარ პრიორიტეტს წარმოადგენს ქვეყნის სატრანზიტო და ლოგისტიკური ინფრასტრუქტურის განვითარება. მისი განცხადებით, ქვეყნის სატრანზიტო პოტენციალის სრულად რეალიზების მიზნით, ერთ–ერთ ძირითად გამოწვევას წარმოადგენს აზიიდან, განსაკუთრებით კი, ჩინეთიდან საქართველოს მიმართულებით დამატებითი ტვირთნაკადების მოზიდვა, ასევე საერთაშორისო თანამშრომლობის გაღრმავება როგორც ორმხრივ ასევე მრავალმხრივ ფორმატში, საქართველოს სატრანსპორტო და ლოგისტიკური ინფრასტრუქტურის განვითარების ხელშეწყობა, სახელმწიფოსა და კერძო სექტორის თანამშრომლობით ერთობლივი საინვესტიციო პროექტების განხორციელების მიზნით, სათანადო პროექტების შემუშავება და სხვ. ბრიტანული საერთაშორისო ლოგისტიკური კომპანიის „დელამოდ გრუპის“ დელეგაცია საქართველოში სამდღიანი სამუშაო ვიზიტით იმყოფება. კომპანიის ხელმძღვანელობის განცხადებით, ისინი უახლოეს თვეებში კვლავ ეწევიან საქართველოს უკვე კონკრეტული პროექტების რეალიზების მიზნით.
ზელენსკიმ უკრაინას, აშშ-სა და ევროპას შორის ლიდერების დონეზე მიმდინარე „რთულ“ დიალოგზე ისაუბრა
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



