საქართველოში კორონავირუსი დაფიქსირდა. დაინფიცირებულია საქართველოს ერთი მოქალაქე, რომელიც, აზერბაიჯანიდან საქართველოში გუშინ შემოვიდა. - ამის შესახებ ჯანდაცვის მინისტრმა ეკატერინე ტიკარაძემ საგანგებო ბრიფინგზე განაცხადა.

დავადებული პაციენტის ასაკი 50 წლამდეა.

ეკატერინე ტიკარაძის თქმით, საქართველოში დაფიქსირდა კორონა ვირუსის პირველი შემთხვევა. როგორც ჯანდაცვის მინისტრი ამბობს, ვირუსი  საქართველოს მოქალაქეს დაუდგინდა, რომელიც აზერბაიჯანის გავლით ირანიდან გუშინ შემოვიდა.

19-nCoV ადამიანიდან ადამიანზე ახლო მანძილზე ვრცელდება, როგორც სხვა რესპირატორული დაავადებები, მაგალითად გრიპი. დაავადების გადაცემა შესაძლოა მოხდეს დაცემინების ან დახველების დროს გამოყოფილი ჰაერწვეთოვანი გზით.

მეცნიერთა მოსაზრებით ხველის ან ცემინების დროს გამოყოფილი ნერწყვის/ლორწოს წვეთს რამდენიმე ნაბიჯის მანძილზე გავრცელება ან ჰაერში 10 წუთამდე გაჩერება შეუძლია.

შესაძლებელია, რომ ეს წვეთები სხვა ადამიანს ან პირდაპირი კონტაქტის გზით შეხვდეს ან დააინფიციროს სუბიექტი, თუ იგი ხელით შეეხება ისეთ ზედაპირს (და შემდეგ სახესთან ექნება კონტაქტი), რომელზეც ვირუსია გავრცელებული. თუ გვსურს რომ არავინ დავაავადოთ საჭიროა სწორად დავახველოთ და დავაცემინოთ. ამობეჭდეთ მოცემული ილუსტარცია და თვალში საცემ ადგილას, სახლში ან ოფისში გააკარით.

• თავი შეიკავეთ სანამ ქაღალდის ხელსაწმენდს არ მოიძიებთ

• დაახველეთ და დააცემინეთ ხელსახოცის აფარების შემდეგ, მაშინვე გადააგდეთ და ხელები დაიბანეთ

• აიფარეთ იდაყვი, შემდეგ დააცემინეთ და დაახველეთ 

• არავითარ შემთხვევაში არ აიფაროთ ცხვირ-პირზე შიშველი ხელისგულები, წინააღმდეგ შემთხვევაში თქვენი ხელები გადაიქცევა ბიოლოგიურ იარაღად

• ღიად დაცემინება და დახველება არ არის სასურველი (თუმცა თქვენ ეს უკვე იცით)

მსოფლიო ჯანდაცვის ორგანიზაცია არსებულ კორონოვირუსს განიხილავს,როგორც პოტენციურ ებოლას და გვირჩევს მოგზაურობისგან თავის შეკავებას.
ტანდარტული რეკომენდაციები ინფექციის გავრცელების თავიდან ასაცილებლად მოიცავს:

•  რესპირატორული ინფექციის მქონე ადამიანებთან კონტაქტისაგან თავის არიდება;

•  ხელების ხშირი დაბანა, განსაკუთრებით იმ შემთხვევაში თუ არსებობს პირდაპირი კონტაქტი დაავადებულ ადამიანთან ან იმ გარემოსთან, სადაც იმყოფებოდა სიმპტომების მქონე პაციენტი;

•  თავი აარიდეთ დაუცველ კონტაქტს ფერმებთან და/ან გარეულ ცხოველებთან;

•  რესპირატორული ინფექციის მქონე ადამიანებმა უნდა დაიცვან ხველის ეტიკეტი;

•  სამედიცინო დაწესებულებებში საჭიროა გაძლიერდეს სტანდარტული ინფექციის კონტროლის ღონისძიებები, განსაკუთრებით საავადმყოფოებსა და გადაუდებელი დახმარების განყოფილებებში.

რეკომენდაციები საერთაშორისო მოგზაურთათვის

•  მოერიდეთ ავადმყოფ ადამიანებთან კონტაქტს;

•  მოერიდეთ ცხოველებთან კონტაქტს (მკვდარი, ცოცხალი) ცხოველთა ბაზრებს, ფერმებს, ცხოველურ პროდუქტებს (თერმულად არასაკმარისად დამუშავებული ხორცი);

•  ხშირად დაიბანეთ ხელები საპნითა და წყლით მინიმუმ 20 წამის განმავლობაში, ხოლო მათზე ხელმისაწვდომობის არქონის შემთხვევაში გამოიყენეთ ალკოჰოლის შემცველი სადენზიფექციო საშუალება;

•  ხანში შესულმა და ჯანმრთელბის პრობლემების მქონე მოგზაურებმა უხანში გამგზავრებით შესაძლებელია უფრო მეტი რისკი შეუქმნან საკუთარ ჯანმრთელობას, გამგზავრება უნდა შეათანხმონ თავიანთ სამედიცინო დახმარების მიმწოდებელთან.  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დათუნაშვილი - გაზის გაძვირება კატასტროფული გადაწყვეტილება, რომელიც ძალიან მძიმე ტვირთად დააწვება თითოეულ ოჯახს ამ ქვეყანაში

მეუფე ვახტანგი სამორინეებზე - როგორმე, პარლამენტში ხელახლა უნდა გავიდეს და დააიგნორონ

საქართველოში მენეჯერების პოზიციაზე ქალების ხელფასი საშუალოდ 2 713 ლარია, ხოლო კაცების — 4 312 ლარი

ელენე ხოშტარია: იკრძალება არა 5, არამედ 7 პარტია