|
2015-07-31 18:26:36, 889 ნახვა
ეკონომიკა
ფინანსთა სამინისტრო არაალკოჰოლური სასმელების მარკირებასთან დაკავშირებით განცხადებას ავრცელებს
ფინანსთა სამინისტრო არაალკოჰოლური სასმელების სავალდებულო ელექტრონულ მარკირებასთან დაკავშირებით განცხადებას ავრცელებს. როგორც სამინისტროში აღნიშნავენ, უწყების პოლიტიკაა ნებისმიერი გადაწყვეტილების მიღების პროცესში აქტიურად იყოს ჩართული ბიზნესსექტორი. „მსგავსი კონსულტაციები და შეხვედრები ფინანსთა სამინისტრომ არაერთხელ გამართა არაალკოჰოლური სასმელების მწარმოებელ კომპანიებთან როგორც საჯარო ფორმატში, ისე სამუშაო რეჟიმში. აღნიშნული საჯარო შეხვედრების შესახებ ინფორმაცია და ვიდეომასალები ხელმისაწვდომია ფინანსთა სამინისტროს ოფიციალურ ვებ-გვერდზე www.mof.ge და სოციალურ ქსელში (www.facebook.com/mofgeorgia; https://www.youtube.com/user/GeoMoF) კომპანიების წარმომადგენლებთან შეხვედრა გაიმართა 2012 წლის დეკემბერში, არაალკოჰოლური სასმელების მწარმოებელთა ასოციაციასთან - 2013 წლის 25 თებერვალს, როდესაც მარკირებას დაქვემდებარებული პროდუქციის დადგენაზე ბრძანების ამოქმედების ვადამ ურთიერთშეთანხმებით პირველ მაისამდე გადაიწია. ფინანსთა მინისტრის პირადი ინიციატივით შედგა გასვლითი შეხვედრები არაალკოჰოლური სასმელების მწარმოებელი კომპანიების ქარხნებში - 2013 წლის 10 აპრილს „ბორჯომის“ ქარხანაში, 26 ივნისს „ნატახტარსა“ და „ზედაზენში“. საქართველოს პრემიერ-მინისტრის დავალებით, კონსულტაციები შედგა ასევე ბიზნესომბუდსმენის მონაწილეობით. ფინანსთა სამინისტროს არასდროს, არც ერთ ფორმატში უარი არ უთქვამს კომპანიების წარმომადგენლებთან შეხვედრაზე. სამინისტრო დღესაც მზადაა, ასეთ დიალოგში მონაწილეობის მისაღებად და კიდევ ერთხელ, მთავრობის არგუმენტებისა და მოსაზრებების წარსადგენად“, - ნათქვამია ფინანსთა სამინისტროს განცხადებაში. ამასთან, ფინანსთა სამინისტროში განმარტავენ, რომ არაალკოჰოლური სასმელების ელექტრონული მარკირების შესახებ მიღებული გადაწყვეტილება შესაბამისობაშია მსოფლიოში მიღებულ პრაქტიკასთან, რომელიც გულისხმობს როგორც აქციზური, ისე არააქციზური საქონლის მარკირებას და მისი მიზანია, აღნიშნულ სფეროში აღრიცხვიანობის მოწესრიგება. შეგახსენებთ, არაალკოჰოლური სასმელების მწარმოებელი კომპანიების მოთხოვნაა, რომ სავალდებულო ელექტრონული მარკირების შემოღება არ მოხდეს. ამასთან, პრემიერ-მინისტრის ინიციატივით, სავალდებულო მარკირება 1-ელ ნოემბრამდე გადავადდა.
ზელენსკიმ უკრაინას, აშშ-სა და ევროპას შორის ლიდერების დონეზე მიმდინარე „რთულ“ დიალოგზე ისაუბრა
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



