„კრიმინალური მენტალიტეტის მქონე ადამიანი შეუერთდა კრიმინალური მენტალიტეტის მქონე ლიდერების ჯგუფს, რასაც წარმოადგენს „ნაცმოძრაობა“ მის სატელიტ პარტიებთან ერთად“, - ასე ეხმაურება პარლამენტის იურიდიულ საკითხთა კომიტეტის თავმჯდომარე ანრი ოხანაშვილი ყოფილის შს მინისტრის, ვანო მერაბიშვილის გათავისუფლების საკითხს.

როგორც მან აღნიშნა, კრიმინალური მენტალიტეტის მქონე ადამიანების ადგილი ქართულ პოლიტიკაში არ არის.

„ივანე მერაბიშვილი არის მსჯავრდადებული და მხილებული უმძიმესი დანაშაულების ჩადენაში. დღესაც ნათლად გამოჩნდა, რომ ეს ადამიანი არის კრიმინალური მენტალიტეტის მქონე ადამიანი. შემიძლია გითხრათ, რომ კიდევ ერთი კრიმინალური მენტალიტეტის მქონე ადამიანი, კიდევ ერთი კრიმინალური ე.წ. ლიდერი შეუერთდა იმ კრიმინალური მენტალიტეტის მქონე ლიდერების ჯგუფს, რასაც წარმოადგენს „ნაცმოძრაობა“ მის სატელიტ პარტიებთან ერთად. ამ ადამიანს პასუხს გასცემენ ის დაზარალებულები, ის სისტემური დანაშაულების მსხვერპლი ადამიანები, ვინც ამ ადამიანმა გააუბედურა და უმძიმესი დანაშაულები ჩაიდინა. ჯერ ისინი გასცემენ პასუხს. რაც შეეხება პოლიტიკურად, ჩვენ განგვიცხადებია და იცით, რომ „ქართული ოცნება“ დამაჯერებელ გამარჯვებას მოიპოვებს და „ნაციონალური მოძრაობა“ დასრულდება საპარლამენტო არჩევნებში. კრიმინალური მენტალიტეტის მქონე ადამიანების ადგილი არ არის ქართულ პოლიტიკაში. ჩვენ ვებრძვით კრიმინალურ მენტალიტეტს, ვაგრძელებთ ბრძოლას და ქართული საზოგადოება გამოუტანს განაჩენს როგორც პოლიტიკურად, ასევე მორალური თვალსაზრისით კრიმინალური წარსულის და მენტალიტეტის მქონე ადამიანს. რომელ პოლიტიკურ შანსზეა საერთოდ საუბარი“, - განაცხადა ანრი ოხანაშვილმა.

შეგახსენებთ, რომ ყოფილმა შინაგან საქმეთა მინისტრმა და ყოფილმა პრემიერმა ვანო მერაბიშვილმა, ე.წ. „მატროსოვის“ ციხე თითქმის 7 წლიანი პატიმრობის შემდეგ, დღეს დატოვა. მერაბიშვილი 2013 წლის მაისში მითვისება-გაფლანგვის და ამომრჩევლის მოსყიდვის ბრალდებით დააკავეს. 2011 წლის 26 მაისში სანდრო გირგვლიანის მკვლელობის საქმეებზე უფლებამოსილების გადამეტების მუხლით ბრალი წარუდგინეს. 2014 წელს სასამართლომ ყველა საქმეზე დამნაშვედ სცნო და პატიმრობა შეუფარდა.

ავტორი: ექსპრესნიუსი,

სოციალური ქსელები

ლონდონში ანტისემიტიზმის წინააღმდეგ მასობრივი მიტინგი გაიმართა

რეჟიმის წარმომადგენელი პაპუაშვილი - ფიშერის ფაილი დახურულია, გერმანიაში მის გამგზავრებას ველოდებით

საპატრიარქოში აცხადებენ, რომ საეკლესიო კრებაზე 1 200-მდე დელეგატი იქნება

პატრიარქის არჩევასთან დაკავშირებით, 11 მაისს, 09:00 საათიდან 18:00-მდე სამების მიმდებარე ტერიტორიაზე, რამდენიმე მიმართულებით საავტომობილო მოძრაობა შეიზღუდება