„ბლუმბერგში“ გამოქვეყნებული სტატიის ავტორი, ილაი ლეიკი საქართველოს პარლამენტის თავმჯდომარის, არჩილ თალაკვაძის ბრალდებას, რომ მას სტატიაში გადაუხადეს, პასუხობს და ამბობს, რომ ერთადერთი, ვინც მას სტატიაში ფულს უხდის  „ბლუმბერგია“.

ამის შესახებ  „ბლუმბერგის“ ჟურნალისტმა „ამერიკის ხმასთან“ საუბრისას განაცხადა.

ლეიკი აღნიშნავს, რომ თალაკვაძის ბრალდება, იმასთან დაკავშირებით, რომ თუ სტატიაში ბიძინა ივანიშვილს აკრიტიკებ ე.ი ამაში ფულს გიხდია, არასერიოზულია.

 „ეს სავსებით მცდარია, ერთადერთი, ვინც ჩემს სტატიაში ფულს მიხდის Bloomberg-ია, სადაც მე ვმუშაობ. არასერიოზულია მოსაზრება, რომ ყველა, ვინც ბიძინა ივანიშვილს აკრიტიკებს, ამაში ფულს უნდა იღებდეს. ეს ნიშნავს, რომ ევროკავშირი, კონგრესის წევრები, "ფრიდომ ჰაუსი" და სხვა სამოქალაქო საზოგადოებრივი ორგანიზაციები დიდი შეთქმულების ნაწილი არიან“, - განუცხადა ლეიკმა „ამერიკის ხმას“.

ცნობისთვის, საქართველოს ხელისუფლების კრიტიკის შემცველი სტატია „ბლუმბერგმა“ გუშინ გამოაქვეყნა. სტატიაში ლეიკი „ქართული ოცნების“ მიერ ლობისტური კომპანია „ჰოგან ლოველსის“ დაქირავებაზე წერდა, რომლის მომსახურებაც პარტიას თვეში 75,000 დოლარი დაუჯდება. ავტორის თქმით, შეერთებული შტატების იუსტიციის დეპარტამენტის „უცხო ქვეყნის აგენტის რეგისტრაციის აქტი“ (FARA) აჩვენებს, რომ კონტრაქტი კომპანიას 2021 წლის იანვრამდე განესაზღვრა და მთლიანობაში ის ამ მომსახურებაში 900,000 დოლარს მიიღებს.

ლეიკის სტატიას გუშინ საქართველოს პარლამენტის თავჯდომარე, არჩილ თალაკვაძე გამოეხმაურა და აღნიშნა, რომ  სტატია დასპონსორებულია. ეს კი იქიდანაც ჩანს, რომ Bloomberg-ს არც ერთხელ არ გაუშუქებია, რომ პარტია „ქართული ოცნება - დამოკრატიული საქართველოს“ თავჯდომარემ, ბიძინა ივანიშვილმა 3 მილიარდზე მეტი დახარჯა საქართველოში სხვადასხვა პროექტებზე.

ავტორი: ექსპრესნიუსი,

სოციალური ქსელები

ლონდონში ანტისემიტიზმის წინააღმდეგ მასობრივი მიტინგი გაიმართა

რეჟიმის წარმომადგენელი პაპუაშვილი - ფიშერის ფაილი დახურულია, გერმანიაში მის გამგზავრებას ველოდებით

საპატრიარქოში აცხადებენ, რომ საეკლესიო კრებაზე 1 200-მდე დელეგატი იქნება

პატრიარქის არჩევასთან დაკავშირებით, 11 მაისს, 09:00 საათიდან 18:00-მდე სამების მიმდებარე ტერიტორიაზე, რამდენიმე მიმართულებით საავტომობილო მოძრაობა შეიზღუდება