„ივანიშვილს ჰქონია, პოლიტიკურ ლიდერებს დაიჭერითა და მუქარით ჩაახშობს უკმაყოფილებას და მოიგებს არჩევნებს, მაგრამ პირიქით მოხდება“, - ასე გამოეხმაურა „ევროპული საქართველოს“ წევრი გიგა ბოკერია  „ნაციონალური მოძრაობის“ წევრის, ნიკა მელიას საქმის განახლებას.

როგორც ბოკერია აღნიშანვს, ნიკა მელიას საქმე, გიგი უგულავას საქმეს ძალიან ჰგავს.

„მელიას საქმე ჰგავს უგულავას საქმეს. იქაც ზეპირი მოსმენის გარეშე მიმდინარეობს პროცესი, მერე იქ კიდე სააპელაციოში გაწელავენ, რა მნიშვნელობა აქვს. არავინ არაფერს არ გამოვრიცხავთ. იმიტომ, რომ ამ მომენტისთვის ბრიყვულად, უგუნურად, ქვეყნისთვის საზიანოდ, მისთვის პერსონალურად დამღუპველად ივანიშვილს არჩეული აქვს კურსი, რომ ამ გზით გადაირჩინოს თავი. პოლიტიკურ ლიდერებს დაიჭერს და ამ დაჭერებით და ჰგონია, მუქარით ჩაახშობს უკმაყოფილებას და მოიგებს არჩევნებს. არადა პირიქით მოხდება, ეს ყველაფერი ძალიან მწარედ დასრულდება მისთვის“, - განაცხადა გიგია ბოკერიამ.

შეგახსენებთ, რომ პროკურატურამ „ნაციონალური მოძრაობის“ წევრის,ნიკა მელიას მიმართ „ქართუ ბანკის“ გაკოტრების საქმეზე გამოტანილი განაჩები სააპელაციო სასამართლოში გაასაჩივრა. საქმეზე პროცესი 10 მარტს ჩაინიშნა, ხოლო მელიას საქმეს სააპელაციო სასამართლოს უვადოდ დანიშნული მოსამართლე, ვეფხია ლომიძე განიხილავს.

ავტორი: ექსპრესნიუსი,

სოციალური ქსელები

ლონდონში ანტისემიტიზმის წინააღმდეგ მასობრივი მიტინგი გაიმართა

რეჟიმის წარმომადგენელი პაპუაშვილი - ფიშერის ფაილი დახურულია, გერმანიაში მის გამგზავრებას ველოდებით

საპატრიარქოში აცხადებენ, რომ საეკლესიო კრებაზე 1 200-მდე დელეგატი იქნება

პატრიარქის არჩევასთან დაკავშირებით, 11 მაისს, 09:00 საათიდან 18:00-მდე სამების მიმდებარე ტერიტორიაზე, რამდენიმე მიმართულებით საავტომობილო მოძრაობა შეიზღუდება