2020-02-11 15:45:12, 1597 ნახვა

---

ვოლსკი კონგრესმენების კრიტიკაზე - აშშ ფლაგმანია ქვეყნებს შორის, სადაც საბიუჯეტო დანაშაული ყველაზე მძიმე შედეგით მთავრდება

„აშშ არის ფლაგმანი ქვეყნებს შორის, სადაც საბიუჯეტო დანაშაული ყველაზე მძიმე შედეგებით მთავრდება“, - ამის შესახებ პარლამენტის ვიცე-სპიკერმა გია ვოლსკიმ განაცხადა.

ვოლსკის თქმით, კონგრესმენი და ნებისმიერ პოლიტიკოსი სხვადასხვა საქმეს პოლიტიკური რაკურსით აფასებს.

„როდესაც ჩვენ კონგრესმენზე ვლაპარაკობთ, შესაბამისად, აქედანაც რაღაც პოლიტიკური პოზიცია უნდა დავუპირირსპიროთ. ნებისმიერი ჩვენგანის სათქმელი არის ის, რომ პოლიტიკოსი ამ თემას აფასებს პოლიტიკური რაკურსით და სინამდვილეში აშშ არის ფლაგმანი ქვეყნებს შორის, სადაც საბიუჯეტო დანაშაული ყველაზე მძიმე შედეგებით მთავრდება, ნებისმიერ პოლიტიკური პარტიის ხელმძღვანელობის პერიოდში“, - განაცხადა გია ვოლსკიმ.

ცნობისთვის, დღეს კონგრესმენი ადამ კინზინგერი და სენატორი ჯეიმს რიში ტვიტერის გვერდზე „ევროპული საქართველოს“ ლიდერის გიგი უგულავას დაკავებას და ამის გამო ხელისუფლება გააკრიტიკეს.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი