2020-02-11 12:52:43, 1133 ნახვა

---

უდუმაშვილი - უმრავლესობასთან მოლაპარაკებები არ იქნება, წარმოიდგინეთ მოლაპარაკებიდან გამოვდივართ და ხელებზე ბორკილებს გვადებენ

„უმრავლესობასთან არანაირ მოლაპარაკებაზე საუბარი არ იქნება იმიტომ, რომ წარმოიდგინეთ მოლაპარაკებებზე შევდივართ, გამოვდივართ და ბორკილებს გვადებენ ხელებზე“, - ამის შესახებ „ნაციონალური მოძრაობის“ წევრმა ზაალ უდუმაშვილმა განაცხადა.

მანვე დააანონსა საქართველოს მასშტაბით აქციები და აღნიშნა, რომ ოპოზიცია სამოქმედო გეგმზე გადადის.

„არანაირ მოლაპარაკებაზე საუბარი არ იქნება. გუშინ შეწყდა ეს მოლაპარაკებები, გიგი უგულავას დაპატიმრების შემდეგ. იმიტომ, რომ წარმოიდგინეთ მოლაპარაკებებზე შევდივართ, გამოვდივართ და ბორკილებს გვადებენ ხელებზე. რა მოლაპარაკებებზეა საერთოდ საუბარი. ოპოზიცია გადადის სამოქმედო გეგმაზე. რაც გულისხმობს, ძალიან ბევრი მიმართულებით ჩვენს გააქტიურებას. იქნება როგორ ქუჩის აქციები, მანიფესტაციები, დიდი მასშტაბის აქციები რეგიონებში, ასევე საარჩევნო მიმართულებით გავაძლიერებთ მუშაობას. ეს ორი მიმართულება იქნება მთავარი. კონკრეტულ დეტალებს შევათანხმებთ ჩვენს ყოველდღიურ შეხვედრებზე, სადაც ვისაუბრებთ გეგმაზე“ - ზაალ უდუმაშვილმა.

ცნობისთვის, გუშინ გაერთიანებულმა ოპოზიციამ გიგი უგულავას დაკავების შემდეგ განაცხადა, რომ უმრავლესობასთან  მოლაპარაკებების მეხუთე რაუნდი აღარ იქნება.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი