„თიბისი ბანკის“ დამფუძნებლების, მამუკა ხაზარაძისა და ბადრი ჯაფარიძის და ბიზნესმენ ავთანდილ წერეთლის სასამართლო პროცესი საქალაქო სასამართლოში 25 თებერვლამდე გადაიდო.

აღნიშნული გადაწყვეტილება მოსამართლემ ავთანდილ წერეთლის ჯანმრთელობის მდგომარეობის გამო მიიღო და განაცხადა, რომ სასამართლო პროცესი მის გარეშე ვერ გაგრძელდება.

როგორც ხაზარაძემ განაცხადა, ბრძოლა ბოლომდე გაგრძელდება და ბიძინა ივანიშვილს ეს სპექტაკლი არ გაუვა.

„ჩემთვის და ბადრისთვის მნიშვნელოვანია ჩვენი მეგობრის, ავთანდილ წერეთლის ჯანმრთელობის მდგომარეობა, რომელიც პრაქტიკულად, ჩააგდეს ისეთ მდგომარეობაში და ისეთ სტრესში, რომ მისმა ჯანმრთელობამ ვერ გაუძლო. მე მას ვუსურვებ სწრაფ გამოჯანმრთელებას.

აქვე მინდა ვთქვა, რომ ნებისმიერ სცენარში, ნებისმიერი ზეწოლის შემთხვევაში ბიძინა ივანიშვილს არ გაუვა ეს სპექტაკლი, ბრძოლა იქნება ბოლომდე. არანაირი კომპრომისი არ იქნება. ბიძინა ივანიშვილი არის კრიმინალური მენტალობის ადამიანი და ნერგავს ამ მენტალობას სამწუხაროდ ახალგაზრდებში“, - განაცხადა მამუკა ხაზარაძემ.

შეგახსენებთ, რომ მამუკა ხაზარაძესა და ბადრი ჯაფარიძეს გასული წლის 24 ივლისს ბრალი ჯგუფურად, უკანონო შემოსავლის ლეგალიზაციის ფაქტზე წარედგინათ. რაც შეეხება ავთანდილ წერეთელს, მას ბრალი ხაზარაძე-ჯაფარიძის დახმარებაში ედება.

ავტორი: ექსპრესნიუსი,

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!