2020-02-06 18:00:14, 1844 ნახვა
კომენტარი
გოცირიძე შოთაძის არჩევაზე - საპროკურორო საბჭო ივანიშვილის დავალებას ასრულებს
„საპროკურორო საბჭო, ესაა ივანიშვილის პირადი საბჭო“, - ამის შესახებ „ნაციონალური მოძრაობის“ წევრმა რომან გოცირიძემ განაცხადა.
გოცირიძის თქმით, ირაკლი შოთაძე გენერალური პროკურორის თანამდებობას ისევ დაიკავებს.
„საპროკურორო საბჭო არ არის სახელმწიფო დაწესებულება. საპროკურორო საბჭო, ესაა ივანიშვილის პირადი საბჭო. არ არის ეს სერიოზული პროცესი. შოთაძე იქნება გენერალური პროკურორი და საპროკურორო საბჭო ასრულებს ბიძინა ივანიშვილის დავალებას“, - განაცხადა რომან გოცირიძემ.
ცნობისთვის, საპროკურორო საბჭომ, კენჭისყრის შედეგად საქართველოს გენერალური პროკურორობის ოთხი კანდიდატი შეარჩია. კენჭისყრისას ირაკლი შოთაძემ 10 ხმა მიიღო.
ავტორი: ექსპრესნიუსი,
epn.ge (@expressnews.ge)
