„ევროპული საქართველოს“ ერთ-ერთი ლიდერის, გიგი უგულავას ადვოკატი ბექა ბასილაია უზენაესი სასამართლოს მოსამართლის, შალვა თადუმაძის აცილების შუამდგომლობას აყენებს.

როგორც ადვოკატმა ჟურნალისტებს განუცხადა, თადუმაძე ვერ იქნება ობიექტური მსაჯული, იქიდან გამომდინარე, რომ ის უგულავას ფონდის საქმეს გენერალური პროკურორის თანამდებობაზე ყოფნისას ზედამხედველობას უწევდა.

 „შალვა თადუმაძე გენერალური პროკურორობის დროს ზედამხედველობას უწევდა საქმეს, რომელსაც დღეს იხილავს, როგორც უზენაესი სასამართლოს მოსამართლე. გიგი უგულავას წინააღმდეგ ფონდის საქმის მიმდინარეობისას სააპელაციო სასამართლოში და ასევე საკასაციო საჩივრის მომზადების პროცესში შალვა თადუმაძე გენერალური პროკურორის თანამდებობას იკავებდა. ნებისმიერი ობიექტური ტესტით და ნებისმიერი ობიექტური ადამიანისთვის ის ვერ იქნება მოიუკერძოებლი მსაჯული. ამ ეჭვს ჩვენ ის გარემოება გვიმყარებს, რომ სხვა მოსამართლეებთან ერთად, ახლად დანიშნულ მერაბ გაბინაშვილთან ერთად ზეპირი მოსმენის გარეშე ჩანიშნა საქმე, რომლის ანალოგიურ საქმეზეც წელიწად ნახევრის წინ უზენაესი სასამართლომ წარმოებაში მიღებაზე განაცხადა უარი. აქედან გამომდინარე შალვა თადუმაძე უნდა იქნეს აუცილებლად აცილებული. ვიცით რომ თადუმაძე ყალბი დიპლომის საშუალებით ახორციელებდა გენერალური პროკურორის უფლებასმოსილებას, თუმცა მაინც გაგვიკვირდა, რომ თვითონ არ აიცილია უგულავას საქმე“, - განაცხადა ბექა ბასილაია.

შეგახსენებთ, „თბილისის განვითარების ფონდიდან“ 48 მილიონი ლარის გაფლანგვის საქმეზე 2018 წლის თებერვალში დედაქალაქის ყოფილ მერს, გიგი უგულავას 1 წლითა და სამი თვით პატიმრობა მიესაჯა, თუმცა სასჯელი სხვა საქმეზე დანიშნულმა სასჯელმა შთანთქა.

ავტორი: ექსპრესნიუსი,

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!