გურჯაანის მუნიციპალიტეტის სოფელ ზეგაანში ხანძრის შედეგად  30 წლამდე მამაკაცი დაშავდა.

შემთხვევა გამთენიისას მოხდა.

ცეცხლი საცხოვრებელ სახლს გაუჩნდა, რის შედეგადაც შენობის უმეტესი ნაწილი და საყოფაცხოვრებო ნივთები დაიწვა.

დაშავებული სხეულზე მიღებული დამწვრობით, თავდაპირველად გურჯაანის საავადმყოფოში მოათავსეს. მდგომარეობის სიმძიმიდან გამომდინარე, მოგვიანებით ის კატასტროფის ბრიგადამ თბილისში გადმოიყვანა.

წინასწარი ინფორმაციით, ხანძრის გამომწვევი მიზეზი მეპატრონის მხრიდან არასწორად დამონტაჟებული ელექტროგაყვანილობა გახდა.

როგორც „ექსპრესნიუსს“ საგანგებო სიტუაციების მართვის სამსახურში განუცხადეს, შემთხვევის ადგილზე კახეთის 6 სახანძრო- სამაშველო ეკიპაჟი მუშაობდა. ამ დროისთვის ხანძარი ლიკვიდირებულია.

მომხდარის ზუსტ მიზეზს გამოძიება დაადგენს.

ავტორი: ექსპრესნიუსი,

სოციალური ქსელები

ცხინვალში ე.წ აჩევნებზე მარატ კამბოლოვი - 88,4% ლიდერობს

ზახაროვა: რუსეთისა და საქართველოს ხალხებს ერთმანეთი ენატრებათ

უკრაინაში საცხოვრებელ შენობებზე რუსეთის მიერ განხორციელებული ავიადარტყმების შედეგად ოთხი ადამიანი დაიღუპა

დააკავეს პირი, რომელმაც მაღაზიიდან კომპიუტერულ ტექნიკა მოიპარა