„ბოლო პერიოდში გადაუმოწმებელ და არასწორ ინფრომაციას ეყრდნობა ეს განცხადება, მაგრამ ჩვენ ყურადღებით ვეცნობით ამ განცხადებებს“, - ამის შესახებ ეკონომიკისა და მდგრადი განვითარების მინისტრმა ნათია თურნავამ მთავრობის სხდომის დასრულების შემდეგ ჟურნალისტებს განუცხადა.

მისი თქმით, სენატორების განცხადება ხელისუფლების მხრიდან უყურადღებოდ არ დარჩება და შესაბამისი რეაგირება მოჰყვება.

„რა თქმა უნდა, სენატორების განცხადება არ დარჩება ხელისუფლების მხრიდან უყურადღებოდ და რეაგირების გარეშე. ჩვენთვის ყოველთვის ყურადსაღებია დასავლელი ამერიკელი პარტნიორების ხელისუფლების სხვადასხვა შტოს წარმომადგენლის ესა თუ ის განცხადება. მიუხედავად იმისა, რომ ზოგჯერ, განსაკუთრებით კი ამ ბოლო პერიოდში გადაუმოწმებელ და არასწორ ინფრომაციას ეყრდნობა ეს განცხადება, მაგრამ ჩვენ ყურადღებით ვეცნობით ამ განცხადებებს და რა თქმა უნდა შესაბამისი რეაგირებაც მოჰყვება“, - განაცხადა ნათია თურნავამ.

შეგახსენებთ, რომ ამერიკელმა სენატორებმა საქართველოს პრემიერ-მინისტრ გიორგი გახარიას კრიტიკული წერილი გაუგზავნეს, რომელშიც ისინი შეშფოთებას გამოთქვამენ საქართველოში ბოლო დროს განვითარებული მოვლენების გამო, კერძოდ, საარჩევნო რეფორმის უკან წაღების, ოპოზიციის წარმომადგენლების წინააღმდეგ სამართლებრივი დევნისა და მშვიდობიანი საპროტესტო გამოსვლების ძალადობრივი გზით ჩახშობის გამო, რაც მათი განმარტებით დემოკრატიული ინსტიტუტების უკუსვლაზე მიუთითებს.

ავტორი: ექსპრესნიუსი,

სოციალური ქსელები

რამზან კადიროვმა ჩეჩნეთის საპრეზიდენტო არჩევნებში ხმების 97.35% მიიღო

დუმის არჩევნებში პუტინის პარტია Единая Россия [ერთიანი რუსეთი] 57,54%-ით ლიდერობს

მემარცხენე პარტია (Die Linke) ბერლინის ადგილობრივ არჩევნებში პირველ ადგილზეა

საქართველოს მხარეზე მებრძოლი UNA-UNSO-ს დამფუძნებელი, მიკოლა კარპიუკი ოკუპანტებთან ბრძოლაში დაიძღუპა