|
2015-07-28 19:51:18, 885 ნახვა
ეკონომიკა
ბათუმის ნავსადგურში თურქეთის საზღვაო უნივერსიტეტის საწვრთნელი გემი შემოვიდა
ბათუმის საზღვაო ნავსადგურში თურქეთის საზღვაო უნივერსიტეტის საწვრთნელი გემი „პირი რეისი“ შემოვიდა, რომელმაც ბათუმში 200–მდე სტუდენტი ჩამოიყვანა. ამის შესახებ „ექსპრესნიუსს“ ეკონომიკის სამინისტროდან აცნობეს. უწყების ინფორმაციით, თურქი სტუდენტები საქართველოს ეკონომიკისა და მდგრადი განვითარების სამინისტროს სსიპ ბათუმის სახელმწიფო საზღვაო აკადემიის სტუდენტებთან და პროფესორ–მასწავლებლებთან ერთად პრაქტიკულ წვრთნებს გაივლიან. საწვრთნელი გემი ბათუმის ნავსადგურში ორი დღის განმავლობაში გაჩერდება. 29 ივლისს საქართველოს ეკონომიკისა და მდგრადი განვითარების სამინისტროს სსიპ ბათუმის სახელმწიფო საზღვაო აკადემიაში სტუმრები გაეცნობიან ორი ქვეყნის უნივერსიტეტის ძირითად და დამხმარე საგანმანათლებლო სტრუქტურებს, დაათვალიერებენ აკადემიაში მოქმედ ლაბორატორიებს, მატერიალურ-ტექნიკურ ბაზასა და შესაბამის სიმულატორებს. საქართველოს ეკონომიკისა და მდგრადი განვითარების სამინისტროს სსიპ ბათუმის სახელმწიფო საზღვაო აკადემიამ და თურქეთის საზღვაო უნივერსიტეტმა სამომავლო თანამშრომლობის გეგმები დასახეს. მათ შორის, ერთობლივი პროექტების განხორციელებისა და გამოცდილების გაზიარების მიზნით. ორი ქვეყნის საზღვაო უნივერსიტეტს შორის დაგეგმილია ურთიერთთანამშრომლობის მემორანდუმის გაფორმება, რაც სამომავლოდ სტუდენტებისა და პროფესორ-მასწავლებლების გაცვლითი პროგრამების ეფექტურ განხორციელებას უზრუნველყოფს. საქართველოს ეკონომიკისა და მდგრადი განვითარების სამინისტრო და მისი შესაბამისი სტრუქტურები განსაკუთრებულ ყურადღებას უთმობენ ქართველი მეზღვაურების განათლების შესაბამისობას აღიარებულ საერთაშორისო სტანდარტებთან, ასევე ადგილობრივი სპეციალისტების პროფესიული იმიჯის ამაღლებასა და საუკეთესო საერთაშორისო გამოცდილების გათვალისწინებით საქართველოს საზღვაო სექტორის განვითარებას.
ზელენსკიმ უკრაინას, აშშ-სა და ევროპას შორის ლიდერების დონეზე მიმდინარე „რთულ“ დიალოგზე ისაუბრა
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



