„ცალსახად განვმარტავთ, რომ ბრალდების მხარის მიერ წარმოდგენილი მოწმეები ადასტურებენ გარკვეულ მნიშვნელოვან ფაქტობრივ გარემოებებს, სასამართლო პროცესზე დაიკითხნენ  მსჯავრდებული პირები, კერძოდ მსჯავრდებული გ.ჯ. და მსჯავრდებული გ.ბ. და მათი მხრიდან სასამართლოსათვის მიწოდებული ინფორმაცია და  ჩვენებები არის თანმიმდევრული, არის ერთმანეთთან თავსებადი“,- ამის შესახებ პროკურორმა ბესიკ ქვარცხავამ განაცხადა.

მან სპეკულაცია უწოდა მიხეილ კალანდიას დაცვის მხარის  განცხადებებს და აღნიშნა, რომ ის სამართლებრივ ლოგიკას ცდება.

„ბრალდების მხარისთვის გაუგებარია რას ეფუძნება დაცვის მხარის განმარტება, ჩვენ ვფიქრობთ ეს არის მისი მხრიდან გარკვეული სპეკულაცია, რათა თავიდან აირიდონ მოსალოდნელი სისხლის სამართლებრივი პასუხისმგებლობა“, - აღნიშნა პროკურორმა.

მისივე თქმით, მიხეილ კალანდიას  საქმესთან დაკავშირებით დაკითხულმა გ.ჯ.-მ სხდომაზე განმარტა, რომ შემთხვევის ადგილზე, ფარდულის წინ დაინახა დავით სარალიძე და მის გვერდში მყოფი ბრალდებული მ.კ., რომელსაც ხელში ეკავა დანის მსგავსი საგანი და სახელო ჰქონდა სისხლიანი. მეორეს მხრივ, მოწმე გ.ბ.-მ , რომელიც ასევე იმყოფებოდა შემთხვევის ადგილზე,  სასამართლო პროცესზე, დაკითხვის პროცესში განმარტა და განაცხადა, რომ მან საკუთარი თვალით დაინახა უშუალოდ ბრალდებულ მ.კ.-ს მოქმედებები, დაინახა უშუალოდ მ.კ.-ს მოქმედება გარდაცვლილ დავით სარალიძესთან მიმართებაში.

„იყო დაკავშირებული იმასთან, რომ მ.კ.-მ მიაყენა დარტყმა დავით სარალიძეს და ამ დროს გ.ბ.-მ დაინახა, რომ მ.კ.-ს ხელში ეჭირა გარკვეული წვეტიანი საგანი“, - განაცხადა პროკურორმა.

ავტორი: ექსპრესნიუსი,

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!