„საუბარი იმაზე, რომ თითქოს მედიის მუშაობა შეზღუდულია საქართველოში,  ღიმილის მომგვრელია“,- ასე უპასუხა თბილისის მერმა, კახი კალაძემ ჟურნალისტების მიერ დასმულ შეკითხვას „რას ფიქრობს იმ ფაქტზე, რომ მედიის ხელმძღვანელებს დევნიან და მათ ფაქტიურად ყოველ დღე უწევთ პროკურატურაში მისვლა“.

როგორც კალაძემ აღნიშნა, თუ ადამიანს დანაშაული აქვს ჩადენილი, კანონის წინაშე უნდა აგოს პასუხი და ტელევიზიის ფლობა ან მედიაში მუშაობა ვერანაირი ფარი ვერ იქნება.

„დღეს თუ საქართველოში მედიის შეზღუდვა არის რაზე უნდა ვილაპარაკოთ მაშინ. მედიის ქონდა ანუ მედიაში მუშაობა არ ნიშნავს იმას, რომ მედიაში მუშაობა ან ტელევიზიის ფლობა იყოს გარკვეული ფარი, ეს კატეგორიულად მიუღებელია. თუ ადამიანს რაიმე დანაშაული აქვს, კანონის წინაშე ყველამ უნდა აგოს პასუხი და მედია ან ტელევიზიაში მუშაობა ვერ იქნება ვერანაირი ფარი. ის, რომ თითქოს მედიის მუშაობა შეზღუდულია საქართველოში ეს ღიმილის მომგვრელია. ამდენი მედიასაშუალება მგონი არასდროს არ ყოფილა როგორც არის დღეს და ვერავინ ვერ შეზღუდავს მედიას და ვერავინ ვერ შეუშლის ხელს ტელევიზიების არსებობას, სააგენტოების, პრესის და ა.შ.“,- განაცხადა კალაძემ.

ავტორი: ექსპრესნიუსი,

სოციალური ქსელები

საქართველოში უფრო მეტი ადამიანი დაუსაქმებელი რჩება, დასაქმების დონე 0.2 პროცენტული პუნქტით შემცირდა

მეუფე იოანე - აშკარაა, რომ გამოცდილება მეუფე შიომ მიიღო უშუალოდ პატრიარქთან ურთიერთობისას

მეუფე ანდრია - 3 კანდიდატია და სამივე მოსალოდნელია პატრიარქი გახდეს

ბაზისბანკის მხარდაჭერით ახალი მასშტაბური კომპლექსი EZO კოლოსისგან შენდება