|
2015-07-27 16:35:41, 772 ნახვა
ეკონომიკა
ფინანსთა სამინისტროს დავების განხილვის საბჭომ გასვლითი სხდომა ფოთში გამართა
ფინანსთა სამინისტროს დავების განხილვის საბჭომ მორიგი გასვლითი სხდომა ფოთში გამართა. ფინანსთა სამინისტროს ინფორმაციით, გადასახადის გადამხდელთა ინტერესების დასაცავად და მათთვის ხელსაყრელი პირობების შექმნის მიზნით, უწყება რეგიონებში საგადასახადო დავების განხილვას განაგრძობს. ფინანსთა სამინისტროს დავების განხილვის საბჭოს მორიგი გასვლითი სხდომა მინისტრის, ნოდარ ხადურის თავმჯდომარეობით სამეგრელო-ზემო სვანეთის მხარეში, ქალაქ ფოთში ფინანსთა სამინისტროს შემოსავლების სამსახურის გადამხდელთა მომსახურების სერვის-ცენტრში გაიმართა. საბჭოს წევრებმა ადგილზე 10-ზე მეტი გადამხდელის საჩივარი განიხილეს. “ჩვენ განვაგრძობთ ტრადიციას, რომელსაც ერთი წლის წინ ჩაეყარა საფუძველი და დავების განხილვის საბჭოს რეგიონებში მუშაობას გულისხმობს. დღეს ფოთში განვიხილეთ იმ მცირე მეწარმეთა დავები, რომლებიც სამეგრელოს რაიონში მუშაობენ. ჩვენ მაქსიმალურად ვცდილობთ მეწარმეებთან ჰარმონიულად ვითანამშრომლოთ. დღეს განხილული საქმეებიდან უმეტესობა სწორედ გადამხდელთა სასარგებლოდ გადაწყდა“, - განაცხადა ნოდარ ხადურმა. მისივე თქმით, ფინანსთა სამინისტრო მომავალშიც გააგრძელებს რეგიონებში გასვლითი საბჭოს სხდომების გამართვას. ცნობისთვის, საგადასახადო დავების განხილვა რეგიონებში ფინანსთა სამინისტროს პოლიტიკის ფარგლებში ხორციელდება, რომლის მიზანიც, დავების განხილვის საბჭოს მუშაობის გამჭვირვალობისა და კეთილსინდისიერი გადასახადის გადამხდელების ინტერესების დაცვის უზრუნველყოფაა. აღნიშნული ინიციატივის განხორციელების შედეგად, რეგიონების მაცხოვრებლებს ფინანსთა სამინისტროს დავების განხილვის საბჭოში შემოტანილი საჩივრების განსახილველად აღარ სჭირდებათ დედაქალაქში ჩამოსვლა, რაც მათ დანახარჯების შემცირებისა და დროის დაზოგვის შესაძლებლობას აძლევს. ფინანსთა სამინისტროს დავების განხილვის საბჭოს გასვლით სხდომებს კონკრეტული რეგიონიდან შემოსული საჩივრების რაოდენობის მიხედვით მართავს.
ზელენსკიმ უკრაინას, აშშ-სა და ევროპას შორის ლიდერების დონეზე მიმდინარე „რთულ“ დიალოგზე ისაუბრა
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



