„ხელისუფლება კვლავ ცდილობს ასეთი მძიმე და ტრაგიკული შემთხვევის შემდეგაც კი, თვალში ნაცარი შემოგვაყაროს, რომ თითქოს მართლმსაჯულება აღსრულდება, მაგრამ სინამდვილეში ჩვენ ვხედავთ ნათელ მცდელობს, რომ ეს საქმეც ჩაიფარცხოს “, - ამის შესახებ პოლიტიკური მოძრაობა „ლელო საქართველოსთვის“ პოლიტიკური საბჭოს წევრმა, ანა ნაცვლიშვილმა მურად წურწუმიას მკვლელობის ფაქტთან დაკავშირებით გამართულ პრესკონფერენციაზე განაცხადა.

როგორც მან აღნიშნა, საქმეს არა შინაგან საქმეთა სამინისტრო, არამედ სახელმწიფო ინსპექტორის სამსახური უნდა იძიებდეს.

„მნიშვნელოვანია, საზოგადოებამ იცოდეს ის, რომ გამოძიებას დღეის მდგომარეობით აწარმოებს  არა ის უწყება, რომელიც ამ ტიპის საქმეებს იძიებდეს და არა იმ კვალიფიკაციით, რომელიც ამ მკვლელობას უნდა მიენიჭოს, არამედ სულ სხვა უწყება, რომელსაც დადასტურებული აქვს წლების განმავლობაში, ამ შემთხვევაში პროკურატურას, რომ პროკურატურა არ იძიებს და ყოველთვის ხელს აფარებს სამართალდამცავ ორგანოებს. ამ საქმეს არა პროკურატურა, არამედ სახელმწიფო ინსპექტორი უნდა იძიებდეს“, - განაცხადა ანა ნაცვლიშვილმა.

„ლელოს“ კიდევ ერთი წევრი, კახა კოჟორიძე აცხადებსმ რომ გამოძიება წამების მუხლით უნდა დაწყებულიყო.

„ყველა ასეთ საქმეში ჩვენ ვხედავთ სისტემურ პრობლემას და ამიტომაც განსაკუთრებული ყურადღებით ვაკვირდებით და ვსწავლობთ თიტოეულ ამ ქეისს. გამოძიება მიმდინარეობას უფრო მსუბუქი მუხლებით, ვიდრე იმ ქმედების შემადგენელობაა, რაზეც დღეს ჩვენ ვსაუბრობთ. ჩვენი შეფასებით, ჩემი, როგორც იურისტის შეფასებით, აქ გამოძიება უნდა დაწყებულიყო წამების მუხლით, ამის ნიშნები არის, რასაც მოჰყვა სიცოცხლის მოსპობა“,- განაცხადა კახა კოჟორიძემ.

შეგახსენებთ, რომ 2 იანვარს, ღამის საათებში, ე.წ. „დამპალოს“  სასაფლაოს ტერიტორიაზე, ფიზიკური დაპირისპირების დროს, შინაგან საქმეთა სამინისტროს უკვე ყოფილმა თანამშრომელმა, ზურაბ ფოფხაძემ მურად წურწუმიას მიაყენა სიცოცხლისათვის სახიფათო სხეულის დაზიანებები, რამაც მისი გარდაცვალება გამოიწვია.  ასევე ადგილზე იმყოფებოდა გარდაცვლილის ძმა და ფოფხაძის მეგობარი, რომელსაც ბრალი ამ დრომდე არ წარდგენია. ცნობისთვის, გარდაცვალების ფაქტზე დაკავებულ ზურა ფოფხაძეს, საქალაქო სასამართლომ  წინასწარი პატიმრობა შეუფარდა.

ავტორი: ექსპრესნიუსი,

სოციალური ქსელები

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება

ელენე ხოშტარია - ვივამედის კლინიკიდან ვბრუნდები რუსთავის ციხეში - მკურნალობის პირველი ეტაპი დასრულებულია

პენიტენციური სამსახური უარყოფს რეჟიმის პატიმარ არჩილ მუსელიანცის ბრალდებებს

ევროკავშირის წარმომადგენლობა - ევროკავშირი მტკიცედ უჭერს მხარს საქართველოს დამოუკიდებლობას, სუვერენიტეტსა და ტერიტორიულ მთლიანობას