„მეუფე დიმიტრი არის უპასუხისმგებლო და უსინდისო ადამიანი, იცის უფალმა ვის აქვს დიდი როლი მის ციხეში ყოფნაზე და უფალი გასცემს ამას პასუხს“, - ასე ეხმაურება მეუფე პეტრე ბათუმისა და ლაზეთის მიტროპოლიტის, მეუფე დიმიტრის განცხადებას „ფორმულასთან“ საუბრისას.

მეუფე პეტრე ამბობს, რომ მეუფე დიმიტრიმ დეკანოზი მამალაძე ერთადერთხელ მოინახულა საპყრობილეში და უთხრა, რომ მისი უდანაშაულობის შესახებ იცოდა, თუმცა ის ვერ დაიცავდა, რადგან მისთვის უმთავრესი ეპისკოპოსობა იყო.

„მეუფე დიმიტრი არის უპასუხისმგებლო და უსინდისო ადამიანი, იცის უფალმა ვის აქვს დიდი როლი მის ციხეში ყოფნაზე და უფალი გასცემს ამას პასუხს. თვითონ გაახმოვანოს, მასაც ხომ აქვს ერთი ეგზემპლარი. როდესაც საპყრობილეში მოინახულა მან, ერთადერთხელ იყო და უთხრა, რომ შენ ხარ მართალი ადამიანი. ვიცი, რომ არ ხარ დამნაშავე, მაგრამ მე ვერ დაგიცავ, რადგან ჩემთვის მთავარი არის ჩემი ეპისკოპოსობა, ჩემი მღვდელმთავრობა და მე ვერ გავწირავ ჩემ მღვდელმთავრობას“,- აცხადებს მეუფე პეტრე ცაავა.

შეგახსენებთ, რომ ბათუმისა და ლაზეთის მიტროპოლიტმა, მეუფე დიმიტრიმ ჟურნალისტებთან საუბრისას განაცხადა, რომ „დეკანოზ გიორგი მამალაძის ციხეში ყოფნის პერიოდის გახანგრძლივებაში მეუფე პეტრეს დიდი როლი აქვს“.

ავტორი: ექსპრესნიუსი,

სოციალური ქსელები

ISFED: „ქართულმა ოცნებამ“ 2025 წელს ყველა სხვა პარტიაზე მეტი — 26.5 მილიონი ლარი მიიღო

ოლიმპიურმა ჩემპიონმა და ყოფილმა დეპუტატმა ზურაბ ზვიადაურმა საპატიმრო დატოვა

ბრიტანეთმა რუსეთის წინააღმდეგ ახალი სანქციები დააწესა უკრაინაში ომისა და სომხეთის არჩევნებში ჩარევის მცდელობის გამო

მეუფე შიო - მრავალჯერ გვიფიქრია, როგორ გაუმკლავდეს ეკლესია თანამედროვე გამოწვევებს