|
2019-12-21 10:29:56, 2358 ნახვა
ეკონომიკა
თურნავა: წყალტუბოს განვითარების გეგმის ფარგლებში, იმერეთის რეგიონში დაახლოებით 20 000 ადამიანი დასაქმდება
„როდესაც ინვესტიციებზე ვსაუბრობთ, არ შემიძლია არ გამოვყო კიდევ ერთი მსხვილი საინვესტიციო პროექტი, რომელიც წყალტუბოში განხორციელდება და რომელიც შესაძლებელი გახდა ბატონი ბიძინა ივანიშვილის საქველმოქმედო ინიციატივის შედეგად. ამ მასშტაბური პროექტის ფარგლებში წყალტუბო დაიბრუნებს საერთაშორისო კურორტის სტატუსს, იქცევა საერთაშორისო ტურისტულ ცენტრად, მნიშვნელოვან სტიმულს მისცემს იმერეთისა და მთლიანად დასავლეთ საქართველოს ეკონომიკურ განვითარებას" - განაცხადა ნათია თურნავამ საქართველოს პარლამენტში სიტყვით გამოსვლისას, რომელიც „მინისტრის საათის" ფორმატში გაიმართა. ნათია თურნავას შეფასებით, ყველაზე მნიშვნელოვანია, რომ სანატორიუმების რეაბილიტაციის პროცესში მინიმუმ 8000 ადამიანი დასაქმდება, მათი აღდგენის შემდეგ კი 600 000 – 800 000 ტურისტის მიღება იქნება შესაძლებელი. საბოლოო ჯამში, რეგიონში დაახლოებით 20 000 ადამიანი დასაქმდება, რაც მთელი იმერეთის და ქვეყნის დასავლეთ ნაწილის ეკონომიკურ აღმავლობას. „ეს პროექტი იქნება ერთგვარი სინერგია სახელმწიფოს, ქველმოქმედსა და კერძო ბიზნესს შორის. სახელმწიფო წყალტუბოს განვითარების პროექტის ფარგლებში რამდენიმე ძირითად ფუნქციას აიღებს საკუთარ თავზე, ესენია: კურორტის განვითარების გენერალური გეგმის შექმნა, საჯარო ინფრასტრუქტურის რეაბილიტაცია და განვითარება, ადგილზე მცხოვრები დევნილების ღირსეული განსახლება, კურორტის ერთიანი ადმინისტრირება, წყალტუბოს მარკეტინგის ხელშეწყობა და ადგილზე არსებული სამკურნალო წყლის მართვის უზრუნველყოფა" - აღნიშნა ნათია თურნავამ. მინისტრმა დეპუტატებს ასევე მოახსენა, რომ მთავრობაში მიმდინარეობს ამ პროექტის გეგმაზომიერი განვითარების საჯარო პროცესი, ამჟამად ინფრასტრუქტურის სამინისტრო მუშაობს გენგეგმაზე და უახლოეს თვეებში, უკვე შესაძლებელი იქნება ამ ერთიანი გეგმის ფარგლებში საჯარო კონკურენტული გზით სანატორიუმების შეთავაზება ინვესტორებისთვის, რომ მათ განახორციელონ ინვესტიციები და დაასაქმონ ადამიანები.
ვაკეში, ყიფშიძის 9 ნომრის მიმდებარე კორპუსის ავტოსადგომზე ცეცხლსასროლი ჭრილობით, გვამი ნახეს
საქართველოს ბანკის მხარდაჭერით, მულტიფუნქციური სპორტული კომპლექსი Platform გაიხსნა
კალაძე ვაგონების შეკეთების საქმეზე: გამოძიება ჩვენივე შესაბამისი სამსახურების მოკვლევის საფუძველზე დაიწყო
საქართველოს ბანკი ქმნის განათლების უწყვეტ შესაძლებლობებს ქუთაისში
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



