„მთელი საერთაშორისო თანამეგობრობის პრობლემა, როდესაც ევროპაში გვაქვს ტერიტორია სადაც არავის მიუწვდება ხელი, ვერავინ შედის და ამ ტერიტორიაზე ხდება ადამიანის უფლებების  უხეში დარღვევა“,- ამის შესახებ სახალხო დამცველმა, ნინო ლომჯარიამ ჟურნალისტებთან საუბრისას განაცხადა.

მისი თქმით, ხელისუფლებას ვაჟა გაფრინდაშვილის გასათავისუფლებლად ყველანაირი ბერკეტი გამოიყენა.

„სახელმწიფომ ძირითადად გამოიყენა არაოფიციალური კონტაქტები და ასევე გარკვეული დიალოგის ფორმატები, მათ შორის რუსეთის ხელისუფლებასთანაც. ინფორმიერება მოახდინა საერთაშორისო საზოგადოების, თუმცა მე ვფიქრობ, რომ არსებობს ასევე სხვა მექანიზმებიც, საერთაშორისო მექანიზმებიც, რაც უფრო აქტიურად უნდა გამოვიყენოთ, არა მარტო ამ კონკრეტულ შემთხვევაში, არამედ ზოგადად ცხინვალის ტერიტორიაზე შექმნილ ვითარებასთან დაკავშირებით. მე, როგორც სახალხო დამცველი, ვაპირებ მივმართო საერთაშორისო ორგანიზაციებს, მოვიპოვო უფრო მეტი ინფორმაცია, თუ დამატებით რა მექანიზმების გამოყენება შეიძლება, იმიტომ, რომ რეალურად ეს პრობლემა არ არის მხოლოდ საქართველოს პრობლემა, ეს არის მთელი საერთაშორისო თანამეგობრობის პრობლემა, როდესაც ჩვენ, ევროპაში გვაქვს ტერიტორია სადაც არცერთ საერთაშორისო ორგანიზაციას, არავის მიუწვდება ხელი, ვერავინ შედის ამ ტერიტორიაზე და ამ ტერიტორიაზე ხდება ადამიანის უფლებების ძალიან უხეში დარღვევა“,- განაცხადა ნინო ლომჯარიამ.

შეგახსენებთ, რომ რამდენიმე საათის წინ, ოკუპანტების მიერ დაკავებულ ექიმს, ვაჟა გაფრინდაშვილს ცხინვალის ე.წ. სასამართლომ 1 წლითა და 9 თვით თავისუფლების აღკვეთა მიუსაჯა.

ავტორი: ექსპრესნიუსი,

სოციალური ქსელები

კიევისა და სრულიად უკრაინის მიტროპოლიტი ეპიფანე - ღმერთმა დალოცოს ახალი ეტაპი საქართველოს მართლმადიდებელი ეკლესიის ცხოვრებაში

ევროკავშირი პატრიარქ კირილისა და რუსეთის მართლმადიდებლური ეკლესიის წინააღმდეგ სანქციებს ამზადებს

პეტერ ფიშერი შიო III-ს სრულიად საქართველოს კათოლიკოს-პატრიარქად არჩევას ულოცავს

შეიძინე კრიპტო თიბისის მობაილბანკში და მიიღე შანსი, დასაჩუქრდე YE, Kanye West-ის კონცერტის ბილეთებით