2019-12-18 19:44:58, 1263 ნახვა
საზოგადოება
მოძრაობა „გაბედეს“ წევრებმა წარწერას: „ისტორიებით სავსე ქალაქი“ შავი ლენტი შემოახვიეს
სამოქალაქო მოძრაობა „გაბედეს“ წევრებმა თავისუფლების მოედანზე წარწერას: „ისტორიებით სავსე ქალაქი“, გლოვის ნიშნად შავი ლენტი შემოახვიეს..
აქტივისტების თქმით, ისინი სოლიდარობას უცხადებენ გარდაცვლილი 15 წლის მოზარდის, ლუკა სირაძის ოჯახს.
შეგახსენებთ, რომ 15 წლის ლუკა სირაძე, რომელმაც რამდენიმე დღის წინ თვითმკვლელობა სცადა და მე-9 სართულიდან გადმოხტა, გუშინ საავადმყოფოში გარდაიცვალა. აღნიშნულ ფაქტს „მწვანე სკოლის“ ტერიტორიაზე გაკეთებული წარწერები უძღოდა წინ, რის გამოც მოზარდი მოწმის სახით დაკითხეს. ლუკა სირაძის ოჯახი პოლიციის მხრიდან ზეწოლაზე საუბრობს. აღნიშნულ საქმეზე გუშინ გამომძიებელი დააკავეს.
ავტორი: ექსპრესნიუსი,
epn.ge (@expressnews.ge)
