არასამთავრობო ორგანიზაცია წამების მსხვერპლთა რეაბილიტაციის ცენტრი „ემპათია",  მიმართავს სახელმწიფო ინსპექტორს ლონდა თოლორაიას 15 წლის ლუკა სირაძის სუიციდამდე მიყვანის ფაქტთან დაკავშირებით და მოუწოდებს დაუყოვნებლად დაიწყოს ძიება სისხლის სამართლის კოდექსის 1441 მუხლით, რაც ადამიანის წამებას გულისხმობს.

„ცენტრი „ემპათია" აწარმოებს მონიტორინგს აღნიშნულ საქმეზე და მიიჩნევს, რომ 15 წლის ლუკა სირაძის სუიციდის ფაქტი დროში კავშირში იმყოფება პოლიციაში დაკითხვის ფაქტთან, რაც დიდი ალბათობით, მიუთითებს იმაზე, რომ დაკითხვისას როგორც მინიმუმ ფსიქოლოგიური წამების მეთოდები იქნა გამოყენებული.

ამავდროულად, ვთვლით, რომ კედელზე წარწერა არ უნდა გამხდარიყო სკოლის მხრიდან პოლიციის გამოძახების საფუძველი.

მივიჩნევთ, რომ წამების ფაქტების გამოძიება საქართველოში არ მიმდინარეობს ეფექტურად, ხშირ შემთხვევაში გამოძიება მიმდინარეობს სსკ სხვა მუხლებით“, - ნათქვამია ორგანიზაციის განცხადებაში.

საქმე ეხება სკოლის კედელზე გაკეთებულ წარწერას - „ამ ცხოვრების დედაც“, რომლის გამოც, სკოლაში პოლიცია გამოიძახეს. სამართალდამცველებმა ვიდეო კამერების ჩანაწერებით ვერ მოახერხეს იმ მოზარდის იდენტიფიცირება, რომელმაც წარწერა გააკეთა, შესაბამისად, მათ არასრულწლოვნები გამოკითხვაზე დაიბარეს. სწორედ გამომძიებლების მხრიდან ფსიქოლოგიური ძალადობა სახელდება მოზარდის მიერ თვითმკვლელობის მთავარ მიზეზად. საქმეს ამ დროისთვის სახელმწიფო ინსპექტორის სამსახური იძიებს. სსკ-ის 335-ე მუხლის საფუძველზე, რაც ჩვენების მიცემის იძულებას გულისხმობს, დიდუბე-ჩუღურეთის სამმართველოს პოლიციის პირველი განყოფილების გამომძიებელი მარიანა ჩოლოიანი დააკავეს. იგი ამ დროისთვის საავადმყოფოში იმყოფება.

ავტორი: ექსპრესნიუსი,

სოციალური ქსელები

ტრამპი: დიდ ბრიტანეთში აშშ-ის საჰაერო ძალების ბაზაზე თავდასხმაში ეჭვმიტანილებს მასშტაბური ზიანის მიყენება ჰქონდათ განზრახული

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება

ელენე ხოშტარია - ვივამედის კლინიკიდან ვბრუნდები რუსთავის ციხეში - მკურნალობის პირველი ეტაპი დასრულებულია

პენიტენციური სამსახური უარყოფს რეჟიმის პატიმარ არჩილ მუსელიანცის ბრალდებებს