„მწვანე სკოლის“ დირექტორი ბექა დავითური სკოლის კიდევ ერთი მოსწავლის მიერ თვითმკვლელობის მცდელობის ფაქტს ადასტურებს.

დავითური მომხდარის დეტალებზე არ საუბრობს და აცხადებს, რომ კითხვებს გამოძიებამ უნდა უპასუხოს.

„ის ფაქტები და კიდევ სხვა ფაქტები ამ საქმესთან დაკავშირებული არის გამოძიების საკითხი. ამ საქმეში არის დეტალები, რომელიც სახელმწიფო ინსპექტორის სამსახურმა უნდა გააჟღეროს. მე ინფორმაცია მაქვს, რომ ის ადამიანები ვისაც შემხებლობა ჰქონდა ამ საქმესთან მათი მდგომარეობა იყო მძიმე. არა მარტო ამ გოგონას, არამედ სხვა კლასელების მდგომარეობაც იყო და არის რთული, პირველ რიგში ფსიქოლოგიური თვალსაზრისით“, - განაცხადა დირექტორმა.

შეგახსენებთ, თვითმკვლელობის მცდელობისას დაშავებული 15 წლის მოზარდი გუშინ გარდაიცვალა.

საქმე ეხება სკოლის კედელზე გაკეთებულ წარწერას - „ამ ცხოვრების დედაც“, რომლის გამოც, სკოლაში პოლიცია გამოიძახეს. სამართალდამცველებმა ვიდეო კამერების ჩანაწერებით ვერ მოახერხეს იმ მოზარდის იდენტიფიცირება, რომელმაც წარწერა გააკეთა, შესაბამისად, მათ არასრულწლოვნები გამოკითხვაზე დაიბარეს. სწორედ გამომძიებლების მხრიდან ფსიქოლოგიური ძალადობა სახელდება მოზარდის მიერ თვითმკვლელობის მთავარ მიზეზად. საქმეს ამ დროისთვის სახელმწიფო ინსპექტორის სამსახური იძიებს. სსკ-ის 335-ე მუხლის საფუძველზე, რაც ჩვენების მიცემის იძულებას გულისხმობს, დიდუბე-ჩუღურეთის სამმართველოს პოლიციის პირველი განყოფილების გამომძიებელი მარიანა ჩოლოიანი დააკავეს. იგი ამ დროისთვის საავადმყოფოში იმყოფება.

ავტორი: ექსპრესნიუსი,

სოციალური ქსელები

ტრამპი: დიდ ბრიტანეთში აშშ-ის საჰაერო ძალების ბაზაზე თავდასხმაში ეჭვმიტანილებს მასშტაბური ზიანის მიყენება ჰქონდათ განზრახული

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება

ელენე ხოშტარია - ვივამედის კლინიკიდან ვბრუნდები რუსთავის ციხეში - მკურნალობის პირველი ეტაპი დასრულებულია

პენიტენციური სამსახური უარყოფს რეჟიმის პატიმარ არჩილ მუსელიანცის ბრალდებებს