გარემოს დაცვისა და სოფლის მეურნეობის მინისტრის მოადგილე ნინო თანდილაშვილი  პროექტის „საბჭოთა პერიოდში აშენებული ჰიდროელექტროსადგურების შეფასება და რეაბილიტაციისთვის საჭირო ღონისძიებების განსაზღვრა“  შედეგების პრეზენტაციას დაესწრო. ენერგეტიკის სფეროს ექსპერტებმა  ხრამ ჰესი I-ის, ხრამ ჰესი II-ის, ჟინვალჰესის, აწჰესის, ნაბეღლავი ჰესისა და ბახვი ჰესი III-ის ეფექტიანობის ანალიზი და ჰიდროელექტროსადგურების შეფასების მეთოდოლოგია წარმოადგინეს.

ექსპერტების განცხადებით, აღნიშნულ ექვს ენერგოობიექტზე  მდგომარეობის შეფასების და  ენერგეტიკული მახასიათებლების გაზრდის მიზნით, მნიშვნელოვანია  დეტალური ტექნიკური აუდიტის ჩატარება.

შეხვედრა არასამთავრობო ორგანიზაციის „საქართველოს მწვანეთა მოძრაობა/დედამიწის მეგობრები“ ორგანიზებით და ფრიდრიხ ებერტის ფონდის პარტნიორობით გაიმართა. ორგანიზაციის თავმჯდომარემ ნინო ჩხობაძემ შეხვედრაზე განაცხადა, რომ სრულფასოვანი შეფასებისთვის კვლევები სამომავლოდაც გაგრძელდება, რათა საბჭოთა პერიოდში აშენებული ჰესების რეალური შესაძლებლობები დადგინდეს და სამომავლო ღონისძიებები განისაზღვროს.

შეხვედრაზე გარემოს დაცვისა და სოფლის მეურნეობის მინისტრის მოადგილემ, ნინო თანდილაშვილმა პროექტის მნიშვნელობის შესახებ ისაუბრა და ყურადღება სახელმწიფოს მიერ განხორციელებულ საკანონმდებლო ინიციატივებზე - გარემოს დაცვის შეაფასების კანონმდებლობასა და წყლის რესურსების რეგულირების კანონპროექტზე გაამახვილა.

როგორც ნინო თანდილაშვილმა აღნიშნა, მნიშვნელოვანია, კლიმატის ცვლილებების გარემოების გათვალისწინებით, ქვეყანაში განვითარდეს ენერგეტიკის სექტორი და წყლის რესურსების შესახებ ინფორმაცია იყოს მუდმივად განახლებადი.

შეხვედრას საქართველოს ეკონომიკისა და მდგრადი განვითარების მინისტრის მოადგილე დავით თვალაბეიშვილი, გარემოს დაცვისა და ენერგეტიკის სექტორის ექსპერტები და სხვა დაინტერესებული პირები ესწრებოდნენ.

ავტორი: NS (სტატია დაფინანსებულია),

სოციალური ქსელები

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა

მოსკოვში დრონების თავდასხმების შედეგად 350-ზე მეტი რეისი გაუქმდა და გადაიდო