2019-12-14 16:55:33, 2651 ნახვა

---

საფრანგეთის ელჩი - ხაზგასმით აღვნიშნეთ, რამდენად მნიშვნელოვანია, მომავალი არჩევნები შეესაბამებოდეს ევროპულ სტანდარტებს

„ხაზგასმით აღვნიშნეთ, თუ რამდენად მნიშვნელოვანია, მომავალი არჩევნები შეესაბამებოდეს ევროპულ სტანდარტებს“, - ამის შესახებ საფრანგეთის ელჩმა დიეგო კოლასმა ოპოზიციური პარტიების ლიდერებთან შეხვედრის შემდეგ განაცხადა.

როგორც მან აღნიშნა, დიპლომატიური კორპუსი განვითარებულ მოვლენებს ყურადღებით აკვირდება.

„შეხვედრა შედგა ოპოზიციურ პარტიებსა და ევროპელ დიპლომატებს შორის. განვიხილეთ მომავალი არჩევნების თავისუფალ და  სამართლიან გარემოში, ევროპული სტანდარტების შესაბამისად ჩატარების საკითხი. ხაზგასმით აღვნიშნეთ, თუ რამდენად მნიშვნელოვანია არჩევნები, როგორც საარჩევნო დღეს, ასევე ერთი კვირით ან ერთი თვით ადრეც, შეესაბამებოდეს ევროპულ სტანდარტებს. ყურადღება გავამახვილეთ, რომ ყველა მხარე და პოლიტიკური პარტიები, იმუშავებენ, რათა შექმნან ის კონდიციები, რომელიც თავისუფალ და სამართლიან არჩევნებს უზრუნველყოფს, რომელსაც ქართველი ხალხი იმსახურებს. ამ ძირითადი პრინციპების შესახებ ყველა ქართულ პოლიტიკურ პარტიას ვესაუბრებით“, - განაცხადა დიეგო კოლასმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი