„იმედს ვიტოვებ, 20 დეკემბერს ჩანიშნულ სხდომაზე ეყოფათ კეთილგონიერება და ექიმი ვაჟა გაფრინდაშვილი გათავისუფლდება“, - ამის შესახებ ადვოკატთა ასოციაციის თავმჯდომარე დავით ასათიანმა ჟურნალისტებს განაცხადა.

როგორც ასათიანმა აღნიშნა, გუშინ მოლოდინი ჰქონდა, რომ ექიმს გაათავისუფლებდნენ.

„ფრთხილი ოპტიმიზმით ველოდებოდი გუშინ მის გათავისუფლებას. გარკვეული ინფორმაცია გვქონდა, რომ ეს წინასწარი ე.წ. სასამართლო სხდომა იყო და შეიძლებოდა, მისი გათავისუფლებით დასრულებულიყო. სამწუხაროა, რომ იქ არავის ჰყოფნის კეთილგონიერება, ექიმი, რომელიც დაკავებულია ჰუმანური საქმიანობის განხორციელებისათვის, რეალურად არ აღიარებს ბრალს და უკვე თვეზე მეტია უკანონო პატიმრობაში იმყოფება, გაათავისუფლონ. იმედს ვიტოვებ, 20 დეკემბერს ჩანიშნულ სხდომაზე ეყოფათ კეთილგონიერება და ექიმი გათავისუფლდება“, - განაცხადა ასათიანმა.

შეგახსენებთ, ოკუპირებული ახალგორის ე.წ. რაიონულმა სასამართლომ ექიმი ვაჟა გაფრინდაშვილი გუშინ წინასწარ პატიმრობაში დატოვა. საოკუპაციო ძალებმა ექიმი 9 ნოემბერს, ახალგორის რაიონში, ე.წ. საზღვრის უკანონო კვეთის ბრალდებით დააკავეს.

ავტორი: ექსპრესნიუსი,

სოციალური ქსელები

კიევისა და სრულიად უკრაინის მიტროპოლიტი ეპიფანე - ღმერთმა დალოცოს ახალი ეტაპი საქართველოს მართლმადიდებელი ეკლესიის ცხოვრებაში

ევროკავშირი პატრიარქ კირილისა და რუსეთის მართლმადიდებლური ეკლესიის წინააღმდეგ სანქციებს ამზადებს

პეტერ ფიშერი შიო III-ს სრულიად საქართველოს კათოლიკოს-პატრიარქად არჩევას ულოცავს

შეიძინე კრიპტო თიბისის მობაილბანკში და მიიღე შანსი, დასაჩუქრდე YE, Kanye West-ის კონცერტის ბილეთებით