„პერსპექტივაში გაცილებით უკეთეს სასამართლოს ვხედავ, ვიდრე ბევრ დასავლეთ ევროპულ ქვეყანას გააჩნია“, - ასე გამოეხმაურა პარლამენტის ვიცე-სპიკერი გია ვოლსკი უზენაესი სასამართლოს მოსამართლეების დამტკიცებასთან დაკავშირებით აშშ-ის საელჩოს განცხადებას.

როგორც მან აღნიშნა, ქვეყნის ისტორიაში არ ყოფილა ისეთი მექანიზმი, რომელიც მმართველმა გუნდმა მოსამართლეთა შერჩევის პროცესის ჯანსაღად წარმართვისთვის შეიმუშავა.

„დამოუკიდებელი საქართველოს ისტორიაში არ ყოფილა ისეთი  მექანიზმი, რომელიც ჩვენ შევიმუშავეთ. ვფიქრობ, ბევრ საერთაშორისო ორგანიზაციას, იგივე აშშ-ის საელჩო იქნება თუ სხვა ორგანიზაცია, კიდევ ბევრჯერ ექნება საშუალება დარწმუნდეს, როგორი სტანდარტის სასამართლო მიიღო საქართველომ მას შემდეგ, რაც ეს ორგანო აბსოლუტურად მიწასთან იყო გასწორებული. კრიტიკული შენიშვნები უნდა იყოს, ალბათ ჩვენც უნდა გვქონდეს, მაგრამ მე პერსპექტივაში გაცილებით უკეთეს სასამართლოს ვხედავ, ვიდრე ბევრ დასავლეთ ევროპულ ქვეყანას გააჩნია“, - განაცხადა ვოლსკიმ.

შეგახსენებთ, უზენაესი სასამართლოს უვადო მოსამართლეების დანიშვნას ამერიკის საეჩლო გუშინ გამოეხმაურა. საელჩოს განცხადებაში ნათქვამია, რომ სიაში მოხვდა კანდიდატთა ის ნაწილი, ვინც "მოსმენებისას ვერ შეძლო საკმარისად წარმოეჩინა იურიდიული ცოდნა ან ერთგულება მიუკერძოებლობისადმი".

ავტორი: ექსპრესნიუსი,

სოციალური ქსელები

პენიტენციური: პატიმარ გიორგი დავითაძეზე ძალადობის ფაქტს ადგილი არ ჰქონია

ისარგებლეთ საქართველოს ბანკის საკრედიტო Amex-ის შეთავაზებით ოთხ სავაჭრო ცენტრში

Euromoney-მ თიბისი საუკეთესო კორპორატიულ ბანკად მესამედ დაასახელა

ხაშურობისთვის მერიამ ზაზა ნოზაძე გარეპავს- ბიუჯეტიდან კონცერტის ორგანიზატორს 93 000 ლარს გადაუხდიან