2019-12-12 13:54:53, 1012 ნახვა

---

გოცირიძე ნიკა მელიას საქმეზე - მინდა დღევანდელი კენჭისყრის შედეგები ამოვბეჭდო და პარლამენტის ფოიეში „სამარცხვინო დაფაზე“ გავაკრა

„ყველა ის დეპუტატი, ვინც მისცემს ხმას ნიკა მელიასთვის უფლებამოსილების შეჩერებას, იქნება „სამარცხვინო დაფაზე“ გამოკრული“, - ამის შესახებ ფრაქცია „ნაციონალური მოძრაობის“ თავმჯდომარემ, რომან გოცირიძემ განაცხადა.

მისი თქმით, ნიკა მელიას პარლამენტიდან გაშვება არის არაკონსტიტუციური, ვინაიდან წინ არის მეორე და მესამე ინსტანციის სასამართლო.

 „ახლა ვდგავარ მონიტორთან და ვაკვირდები კენჭისყრის შედეგებს. მინდა შემდეგ ეს ამონაბეჭდი აქ გავაკრა და მას ვუწოდო სამარცხვინო დაფა ყველა იმ დეპუტატისა, რომლებიც ნიკა მელიას უფლებამოსილებას უყრის კენჭს. დღეს იყო ძალიან დამაზიანებელი დღე „ქართული ოცნებისთვის“ თუმცა, თითქმის ყოველი დღე ასეთია. დაწყებული ივანიშვილის ტყუილიდან, როდესაც მან საერთაშორისო პარტნიორები მოატყუა და პროპორციული საარჩევნო სისტემა ჩააგდო. იმ დღიდან მოყოლებული „ქართული ოცნება“ არის ჩამოშლის რეჟიმში და უმძიმესი დარტყმა მიიღო. ნიკა მელიას პარლამენტიდან გაშვება არის არაკონსტიტუციური, ვინაიდან წინ არის მეორე და მესამე ინსტანციის სასამართლო და აკეთებენ ცინიკურ განცხადებას, რომ იმ შემთხვევაში, თუკი სასამართლო ნიკა მელიას გაამართლებს მაშინ დავაბრუნებთ კვლავ პარლამენტში და ზარალსაც ავუნაზღაურებთ კომპანსაციის სახითო. ეს არის ძალიან უღირსი განცხადება. დღევანდელი დღე, მოსამართლეების საკითხი და ნიკა მელიას საქმე ძალიან ძვირად დაუჯდება „ქართულ ოცნებას“, - განაცხადა რომან გოცირიძემ.

შეგახსენებთ, რომ თბილისის საქალაქო სასამართლომ „ბანკი ქართუს“ გაკოტრების საქმეზე ნიკა მელიასა გამამტყუნებელი განაჩენი გამოუტანა. კერძოდ, მას  25 000 ლარიანი ჯარიმა დაეკისრა და ამასთანავე, 2 წლით და 3 თვით თანამდებობის დაკავების უფლება ჩამოერთვა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი