2019-12-12 10:47:09, 992 ნახვა

---

იურიდიულ საკითხთა კომიტეტზე ხმაურია - ოხანაშვილმა მანდატურის სამსახურს ბოკუჩავას სხდომათა დარბაზიდან გაყვანა დაავალა

იურიდიულ საკითხთა კომიტეტზე ხმაურია. „ნაციონალური მოძრაობის“ წევრი თინა ბოკუჩავა, დეპუტატებს სხდომის ჩატარების საშუალებას არ აძლევს და სხდომის ჩაშლას ითხოვს.

ანრი ოხანაშვილმა ბოკუჩავას გაფრთხილებით მიმართა, რომ თუ არ დამშვიდდება, მას კომიტეტის სხდომას დაატოვებინებენ.

ბოკუჩავა იურიდიული კომიტეტის სხდომის დატოვებაზე უარს აცხადებს.

კომიტეტის სხდომაზე ხმაური მას შემდეგ დაიწყო, რაც ბოკუჩავამ „ქართული ოცნების“ წევრებს „მონები“ უწოდა.

„დღეს ყველაზე მნიშვნელოვანი არის ის, რომ არ მოხდეს უზენაესი სასამართლოს მონებით დაკომპლექტება. თქვენ ხართ მონები. მოვითხოთ, რომ გადაიდოს ეს სხდომა, იმისთვის რომ უზენაეს სასამართლოში არ გამწესდნენ მონები და არ წაართვან ჩვენ ქვეყანას სამართლიანი სასამართლოს უფლება. ეს არის ჩვენი ქვეყნის მომავალი და ვიღაც გვრიტიშვილებმა არ უნდა გადაუწყვიტონ ჩვენ შვილებს ის“, - განაცხადა თინა ბოკუჩავამ იურიდიულ საკითხთა კომიტეტზე. 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი