„როგორც ჩანს, დაინახა და იგრძნო, საით დაუბერა ქარმა და განსხვავებით სხვა მაჟორიტარებისგან, აშკარად მას ბარგი აქვს ჩალაგებული“, - ამის შესახებ „სამოქალაქო მოძრაობის“ ლიდერმა ალეკო ელისაშვილმა დმანისში ყოფნისას განაცხადა.

ელისაშვილის თქმით, კახა ოქრიაშვილი იმ მაჟორიტარი ფეოდალების კოჰორტის წარმომადგენელია, რომლებიც ხალხის ხარჯზე მდიდრდებიან.

„როგორც ჩანს, დაინახა და იგრძნო, საით დაუბერა ქარმა და განსხვავებით სხვა მაჟორიტარებისგან, აშკარად მას ბარგი აქვს ჩალაგებული. ახლა უნდა ჩვენკენ, აქეთა ოპოზიციისკენ ურთიერთობების დალაგება. არ დავმალავ, რომ რამდენიმე დღის წინ დამირეკა კიდევაც და პატივს გცემო, მითხრა, ჩემდა გასაკვირად. არადა ტელევიზორში მას ძალიან მწარედ მოვიხსენიებდი. აქ მოკლედ ბანერები და მთელი ქალაქი აქვს აჭრელებული ამ რაღაცა სმაილიკებით. ამის მიუხედავად, კახა ოქრიაშვილიც არის ზუსტად იმ მაჟორიტარი ფეოდალების კოჰორტის წარმომადგენელი, რომლებიც ხალხის ხარჯზე მდიდრდებიან“, - განაცხადა ალეკო ელისაშვილმა.

შეგახსენებთ, რომ ალეკო ელისაშვილი გუნდის წევრებთან ერთად დღეს დმანისში ჩავიდა,  სადაც უმრავლესობის დეპუტატ კახა ოქრიაშვილის წინააღმდეგ აქციის გამართვას გეგმავდა, თუმცა აგრარული ბაზარი ცარიელი დახვდა. გარდა ამისა, მაჟორიტარი დეპუტატი სტუმრებს   ბანერით და სტიკერებით დახვდა, რომლებზეც წერია: „კეთილი იყოს ოპოზიციის და არა მარტო ოპოზიციის მობრძანება დმანისში“, „კეთილი იყოს თქვენი მობრძანება ალეკო“.

ავტორი: ექსპრესნიუსი,

სოციალური ქსელები

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა

მოსკოვში დრონების თავდასხმების შედეგად 350-ზე მეტი რეისი გაუქმდა და გადაიდო

საბერძნეთი განიხილავს ლიეტუვაში კრემლის ორი კრიტიკოსის მკვლელობის დაგეგმვაში ეჭვმიტანილი საქართველოს მოქალაქის ექსტრადირებას