|
2015-07-23 10:11:50, 771 ნახვა
ეკონომიკა
კახა კალაძე: თუ სამომხმარებლო ტარიფის კორექტირება გარდაუვალი იქნება, მთავრობა სუბსიდირებაზე იმსჯელებს
თუ სამომხმარებლო ტარიფის კორექტირება გარდაუვალი იქნება, ამ შემთხვევაში მთავრობა სუბსიდირებაზე იმსჯელებს, - ამის შესახებ ენერგეტიკის მინისტრმა კახა კალაძემ "ქრონიკის" ეთერში განაცხადა. "მე არაერთხელ გამიკეთებია განცხადება, რომ არსებული სიტუაცია, დოლარის გამყარება მსოფლიოში ყველა ვალუტასთან მიმართებაში, საქართველოშიც აისახა ენერგოკომპანიებზე და მათ დიდი დარტყმა მიაყენა. რაც შეეხება სამომხმარებლო ტარიფს, ამაზე გადაწყვეტილება ჯერ არ არის მიღებული, თუმცა ჩვენ ვიცით, რომ განაცხადი ამ მიმართულებითაც გაკეთებული აქვს "ენერგო-პრო ჯორჯიას", "თელასს", "კახეთის სადისტრიბუციო კომპანიას". დაველოდოთ მარეგულირებელი კომისიის გადაწყვეტილებას და ამის შემდეგ უფრო სწორი იქნება რაიმე გადაწყვეტილების მიღება. თუ იქნება გადაწყვეტილება მიღებული, რომ გარდაუვალია სამომხმარებლო ტარიფის კორექტირება, რა თქმა უნდა, ამ შემთხვევაში მთავრობა იმსჯელებს სუბსიდირებასთან დაკავშირებით. ეს მიღებული პროცესია ნებისმიერ ქვეყანაში. მთლიანად სამომხმარებლო ტარიფის სუბსიდირება ძალიან მძიმე იქნება ბიუჯეტისთვის, განსაკუთრებით გრძელვადიან პერსპექტივაში, ამიტომ მაქსიმალურად მივიღებთ ისეთ გადაწყვეტილებას, რომ იმ შემთხვევაში თუ ტარიფის კორექტირება მოიხდება, არც ბიუჯეტი დავაზიანოთ", - განაცხადა კახა კალაძემ. ამასთან კალაძის თქმით, ენერგოკომპანიები ძალიან მძიმე მდგომარეობაში აღმოჩნდენ, მაგრამ ზუსტად ისეთი გადაწყვეტილება იქნება მიღებული, სადაც მაქსიმალურად იქნება ენერგოკომპანიების და მოსახლეობის ინტერესი დაცული. ცნობისთვის, სემეკ-მა გუშინ თბოელექტროსადგურებისთვის ახალი, გაძვირებული ტარიფი დაადგინა. მოქმედი ტარიფი კომპანია "ჯიფაუერისთვის" 7,397 ლარი იყო, ახალი ტარიფი კი 7,534 ლარით განისაზღვრა. შპს "მტკვარი ენერგეტიკასთვის" მოქმედი ტარიფი, 7,229 ლარი, 10,871 ლარამდე გაიზარდა. საქართველოს საერთაშორისო ენერგეტიკულ კორპორაციას კი ტარიფი 7,319-დან 10,194 ლარამდე გაეზარდა.
ზელენსკიმ უკრაინას, აშშ-სა და ევროპას შორის ლიდერების დონეზე მიმდინარე „რთულ“ დიალოგზე ისაუბრა
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



