|
2019-11-28 17:23:36, 1271 ნახვა
ეკონომიკა
ივანე მაჭავარიანი: 2020 წლის იანვრიდან, ელექტრონული პლატფორმის საშუალებით, მოქალაქეებს შესაძლებლობა მიეცემათ, მიიღონ ინფორმაცია საბიუჯეტო პროცესზე
ივანე მაჭავარიანი: 2020 წლის იანვრიდან, ელექტრონული პლატფორმის საშუალებით, მოქალაქეებს შესაძლებლობა მიეცემათ, მიიღონ ინფორმაცია საბიუჯეტო პროცესზე საქართველოს პარლამენტში „მინისტრის საათის" ფორმატში პლენარულ სესიაზე სიტყვით გამოსვლისას, ფინანსთა მინისტრმა ივანე მაჭავარიანმა ფისკალური გამჭვირვალობის მნიშვნელობაზეც ისაუბრა. როგორც მან აღნიშნა, ფისკალური გამჭვირვალობის მთავარი კომპონენტებია, საბიუჯეტო პროცესში საზოგადოების აქტიური ჩართულობა, ასევე, პარტნიორების ინფორმირება მთავრობის გეგმებისა და სტრატეგიის თაობაზე. მისი თქმით, ბიუჯეტის გამჭვირვალობის უზრუნველსაყოფად არაერთი მნიშვნელოვანი რეფორმა გაკეთდა და მთავრობა გააგრძელებს ამ მიმართულებით მუშაობას. „აღსანიშნავია, რომ ამერიკის შეერთებული შტატების საერთაშორისო განვითარების სააგენტოს დახმარებით, შემუშავდა ბიუჯეტის გამჭვირვალობისა და მოქალაქეთა ჩართულობის ელექტრონული პლატფორმა, რომლის მეშვეობითაც, მოქალაქეებს 2020 წლის იანვრიდან, შესაძლებლობა მიეცემათ, მიიღონ ინფორმაცია საბიუჯეტო პროცესზე და საკუთარი აზრი გამოხატონ ბიუჯეტის დაგეგმვის მიმართულებით. ასევე, აქტიურად ჩაერთონ თითოეული უწყებისა და პრიორიტეტების დაფინანსების განსაზღვრაში", - აღნიშნა ივანე მაჭავარიანმა. ფინანსთა მინისტრმა კიდევ ერთხელ აღნიშნა, რომ „ბიუჯეტის ღიაობის ინდექსით", საქართველო 82 ქულით მსოფლიოში მეხუთე ადგილზეა და ევროპის ქვეყნებიდან მხოლოდ შვედეთს და ნორვეგიას აქვთ ჩვენზე უკეთესი შედეგი.
(NS)
ვაკეში, ყიფშიძის 9 ნომრის მიმდებარე კორპუსის ავტოსადგომზე ცეცხლსასროლი ჭრილობით, გვამი ნახეს
საქართველოს ბანკის მხარდაჭერით, მულტიფუნქციური სპორტული კომპლექსი Platform გაიხსნა
კალაძე ვაგონების შეკეთების საქმეზე: გამოძიება ჩვენივე შესაბამისი სამსახურების მოკვლევის საფუძველზე დაიწყო
საქართველოს ბანკი ქმნის განათლების უწყვეტ შესაძლებლობებს ქუთაისში
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



