20 ივნისის აქციის დაშლის დროს დაკავებული ზურაბ ბუდაღაშვილი აცხადებს, რომ „ევროპული საქართველოს“ წევრის, გიგი უგულავას, „ნაციონალური მოძრაობის“ წევრის ნიკა მელიასა და „გამარჯვებული საქართველოს“ ლიდერის, ირაკლი ოქრუაშვილის წინააღმდეგ ჩვენებების მიცემას სთხოვდნენ.

როგორც ბუდაღაშვილმა დღევანდელ სასამართლო პროცესზე აღნიშნა, დაკავების შემდეგ, მასთან ყალბი სახელებით შევიდნენ და უთხრეს, რომ თუ ოპოზიციური პარტიების ლიდერების წინააღმდეგ ჩვენებას მისცემდა, მას და მის ოჯახის წევრებს პრობლემები აღარ შეექმნებოდათ.

„საკანში ორი პიროვნება შემოვიდა და მითხრეს, პროკურატურიდან ვართო. თუ ოქრუაშვილს, მელიას და უგულავას არ დაადებ ხელს, პრობლემები შეგექმნებაო. მე სიცილი დავიწყე, რაზეც ისინი გაღიზიანდნენ და საკნიდან გავიდნენ. ვიფიქრე ხელისუფლება აფექტშია და გადახარშავენ მეთქი. 18 ივლისს ეს კიდევ განმეორდა. ყალბი სახელებით და გვარებით შემოვიდნენ როგორც პატიმრები და მეუბნებოდნენ, რომ რომელიმეს - მელიას, უგულავას ან ოქრუაშვილს ხელი დაადე და პრობლემები მოგიგვარდებაო. ახალგაზრდა ბიჭი ხარ, ციხეს თავისუფლება არ გირჩევნიაო? ამის შემდეგ 24 ივლისს ჩემი ძმა დააკავეს, წამალი ჩაუდეს. ეს უკვე სიგნალი იყო, რომ პრობლემებს მიქმნიდნენ. ამის შემდეგ ჩემს ძმასაც ეუბნებიან, შენმა ძმამ ჭკუა ისწავლოსო. ჩემზე ხორციელდება ზეწოლა. ეს არის ფსიქოლოგიური და მორალური ზეწოლა. ეს ფსიქოლოგიური ტერორი ხორციელდება იმაზე, რომ მე პოლიტიკოსს ხელი დავადო და პროკურატურა გზას გამიხსნის. ახლა ელოდებიან ჩემს დადასტურებას. როგორც კი მე ვინმეს ხელს დავადებ, ჩემი და ჩემი ძმის დაკავების პრობლემა მოიხსნება“, - განაცხადა ზურაბ ბუდაღაშვილმა.

ავტორი: ექსპრესნიუსი,

სოციალური ქსელები

ელენე ხოშტარია - ვივამედის კლინიკიდან ვბრუნდები რუსთავის ციხეში - მკურნალობის პირველი ეტაპი დასრულებულია

პენიტენციური სამსახური უარყოფს რეჟიმის პატიმარ არჩილ მუსელიანცის ბრალდებებს

ევროკავშირის წარმომადგენლობა - ევროკავშირი მტკიცედ უჭერს მხარს საქართველოს დამოუკიდებლობას, სუვერენიტეტსა და ტერიტორიულ მთლიანობას

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს