საქართველოს პარლამენტმა პლენარულ სხდომაზე საპარლამენტო თანამდებობებზე წარდგენილი კანდიდატების ნაწილი დაამტკიცა.

კერძოდ, პარლამენტის პირველ  ვიცე-სპიკერად გია ვოლსკი 81 ხმით არც ერთის წინააღმდეგ დაინიშნა.

ასევე, კენჭისყრის შედეგად ვიცე სპიკერებად დაინიშნენ მამუკა მდინარაძე (80 ხმით) და გიორგი კახიანი (81 ხმით).  რაც შეეხება კახა კუჭავას კანდიდატურას, პარლამენტის თავმჯდომარის არჩილ თალაკვაძის თქმით, მას კენჭს მომდევნო სხდომაზე უყრიან.

ევროინტეგრაციის კომიტეტის ხელმძღვანელად, პარლამენტმა დავით სონღულაშვილი დაამტკიცა (80 ხმით).  ხოლო საგარეო ურთიერთობათა კომიტეტის თავმჯდომარე  ირაკლი ბერაია გახდა (80 ხმით).

განათლების კომიტეტის თავმჯდომარედ პარლამენტმა გენადი მარგველაშვილი დაამტკიცა (80 ხმით).

რაც შეეხება გარემოს დაცვის კომიტეტის და საპროცედურო საკითხთა კომიტეტის თავმჯდომარეობის კანდიდატებს, მათ  პარლამენტი კენჭს მომდევნო სხდომაზე უყრის.

დეპუტატებმა ასევე ცნობად მიიღეს პარლამენტის თავმჯდომარის პირველი მოადგილის თამარ ჩუგოშვილის განცხადება თანამდებობიდან გადადგომის შესახებ, პარლამენტის თავმჯდომარის მოადგილის, ზვიად ძიძიგურის განცხადება თანამდებობიდან გადადგომის შესახებ, განათლების, მეცნიერებისა და კულტურის კომიტეტის თავმჯდომარის, მარიამ ჯაშის განცხადება თანამდებობიდან გადადგომის შესახებ, ევროპასთან ინტეგრაციის კომიტეტის თავმჯდომარის, თამარ ხულორდავას განცხადება თანამდებობიდან გადადგომის შესახებ, საგარეო ურთიერთობათა კომიტეტის თავმჯდომარის, სოფიო ქაცარავას განცხადება თანამდებობიდან გადადგომის შესახებ და პარლამენტის წევრის, ირინე ფრუიძის განცხადება პარლამენტის ეთიკის საბჭოდან გასვლის შესახებ.

ცნობისთვის, კომიტეტებში ცვლილებები მას შემდეგ გახდა საჭირო, რაც რამდენიმე დეპუტატმა საპარლამენტო უმრავლესობა დატოვა. უმრავლესობა დატოვეს იმ დეპუტატებმა, რომლებსაც ვიცე-სპიკერის და კომიტეტის თავმჯდომარის თანამდებობები ეკავათ. ესენი არიან: თამარ ჩუგოშვილი, რომელიც პირველი ვიცე-სპიკერი იყო, ზვიად ძიძიგური, უკვე ყოფილი ვიცე- სპიკერი, მარიამ ჯაში, განათლების კომიტეტის თავმჯდომარის თანამდებობას იკავებდა, თამარ ხულორდავა ევროინტეგრაციის კომიტეტის თავმჯდომარე იყო, სოფო ქაცარავამ, რომელიც საგარეო ურთიერთობათა კომიტეტის თავმჯდომარის თანამდებობას იკავებდა, უმრავლესობასთან ერთად, დეპუტატის მანდატი დატოვა.

შეგახსენებთ, დღეს პარლამენტში  პლენარული  სხდომა ოპოზიციის გარეშე  მიმდინარეობს. გარდა ამისა, პოლიტიკური განცხადებების შემდეგ სხდომა დატოვეს ოპოზიციის დამოუკიდებელმა დეპუტატებმაც.

ავტორი: ექსპრესნიუსი,

სოციალური ქსელები

პროკურატურა - მსჯავრდებულ გიორგი დავითაძის მიმართ შესაძლო სექსუალური ძალადობის ფაქტზე მიმდინარე გამოძიება დასრულდა და დადგინდა, რომ მის მიმართ რაიმე სახის ძალადობას და დანაშაულებრივ ქმედებას ადგილი არ ჰქონია

უკრაინის შეიარაღებულმა ძალებმა დონის როსტოვში ნავთობტერმინალზე თავდასხმა განახორციელეს - 6 ადამიანი დაიჭრა

ზელენსკი: აშშ-მ მაიამის შეხვედრა პუტინთან შეთანხმებების დასაფარად გამოიყენა

ტრამპმა პუტინთან შეთანხმებას მიაღწია მას შემდეგ, რაც ზელენსკიმ მისი მოთხოვნები უგულებელყო - Axios