პარლამენტთან, საპროტესტო აქციის დაშლისას დაკავებული პარტია „გირჩის“ ლიდერი ზურაბ ჯაფარიძე გაათავისუფლეს.

როგორც ჯაფარიძემ ჟურნალისტებს განუცხადა, ის ხელწერილის საფუძველზე გათავისუფლდა.

„ხელწერილის საფუძველზე გამათავისუფლეს, რომ საგამოძიებო ორგანოში გამოვცხადდები, თუ დამიძახებენ. გასაგებია, რომ გამათავისუფლეს იმის გამო, რომ მეტ-ნაკლებად ცნობადი სახე ვარ, თორემ იქ არიან ადამიანები, რომელთაც ასევე, არაფერი დაუშავებიათ. დიდი ალბათობით, ყველას გადაიყვანენ „კაპეზეზე“ და ხვალ იქნება ალბათ ერთობლივი სასამართლო“, - განაცხადა ჯაფარიძემ.

რაც შეეხება დაკავების მიზეზს, ჯაფარიძე ამბობს, რომ ოფიციალურად ხულიგნობასა და პოლიციისადმი დაუმორჩილებლობას ედავებიან, თუმცა მისი შეფასებით, ეს პოლიტიკური ტერორის გამოხატულებაა.

„ფორმალური მოტივი, რაც უწერიათ, არის ხულიგნობა და დაუმორჩილებლობა, რომელზეც უკვე მეოცედ მაკავებენ, მაგრამ რეალურად, დაკავება იყო იმიტომ, რომ ეს არის ჩვეულებრივი პოლიტიკური ტერორი მშვიდობიანი დემონსტრანტების წინააღმდეგ. ჩვენ ვიყავით ჩიტაძეზე, პიკეტირებას ვახდენდით პარლამენტის შესასვლელის, რა დროსაც ზემოდან დაიძრა სპეცრაზმი. ჩვენ დავჯექით ქვაფენილზე, იმედი გვქონდა, რომ არ გადაგვივლიდნენ ზემოდან, თუმცა შეგვეშალა, გადაგვიარეს. ტკეპნიდნენ უბრალოდ ადამიანებს. დამაკავეს იმის გამო, რომ სპეცრაზმს ვაკავებდი, რომ ადამიანები არ გაეჭყლიტათ, მაგრამ მერე გადამათრიეს უკან, ხელები ამომიტრიალეს და ჩამსვეს მანქანაში. ეს არის ჩვეულებრივი პოლიტიკური ტერორი. გვყავს ხელისუფლება, რომელიც ფაქტობრივად არის არალეგიტიმური, რომელმაც გადააგდო ყველა და ყველაფერი როგორც ქვეყნის შიგნით, ისე გარეთ. ეს ნიშნავს, რომ ქვეყანას მომავალი არ გააჩნია, სანამ ეს ხელისუფლება არ შეიცვლება და არ გვეყოლება ლეგიტიმური ხელისუფლება, თუნდაც სრულიად იდიოტებით იყოს ის დაკომპლექტებული“, - განაცხადა ზურაბ ჯაფარიძემ.

შეგახსენებთ, შსს-ს ცნობით, დღეს აქციის დაშლისას სამართალდამცველებმა სულ 18 პირი დააკავეს. ოფიციალური მონაცემებით, პოლიციასთან დაპირისპირების დროს დაშავდა 3 ადამიანი. 

ავტორი: ექსპრესნიუსი,

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!