2019-11-18 20:28:01, 1563 ნახვა
პოლიტიკა
პოლიციას რუსთაველზე დაკავებულები, მათ შორის 2 არასრულწლოვანი მარშუტკაში ჰყავდა გამოკეტილი
დღეს, პარლამენტთან მიმდინარე აქციაზე პოლიციამ 18 ადამიანი დააკავა, მათ შორის 2 არასრულწლოვანია.
დაკავებულები სამართალდამცველებს მარშუტკაში ჰყავდათ გამოკეტილი.
ერთ-ერთი დაკავებულის თქმით, პოლიცია მათ „პუტინის რეჟიმის“ მსგავსად, უხეშად მოექცა.
„მოგვექცნენ ისე, როგორც მოსკოვში პუტინის რეჟიმი იქცევა, უხეშად. შეგვათრიეს, შეგვყარეს მარშუტკაში არასრულწლოვან ბავშვებთან ერთად, როცა მოვდიოდით ვთანხმდებოდით, რომ ამ პატარა სივრცეში ჩვენ ბევრად უფრო თავისუფლები ვიყავით, ვიდრე ივანიშვილი თავის შუშის სასახლეში“, - განაცადა ერთ-ერთმა დაკავებულმა „მთავარ არხთან" საუბრისას.
ავტორი: ექსპრესნიუსი,
epn.ge (@expressnews.ge)
