„გამიჭირდებოდა საერთაშორისო პარტნიორებისთვის ამეხსნა რატომ ვერ შევასრულეთ გაცემული პირობა“, - ამის შესახებ უმრავლესობის ყოფილმა დეპუტატმა თამარ ჩუგოშვილმა ჟურნალისტებთან საუბრისას განაცხადა.

მისი თქმით, საერთაშორისო პარტნიორებისგან გაკეთებული მწვავე განცხადებები სრულიად მოსალოდნელი იყო.  

„მე ვტოვებ თანამდებობებს და უმრავლესობას. მე „ქართულ ოცნებაში“ საკმაოდ მაღალი თანამდებობები მიჭირავს. ასევე ვარ საერთაშორისო მდივანი და პოლიტიკური საბჭოს წევრი. მე დავტოვებ ამ თანამდებობებსაც. რაც შეეხება დანარჩენს, თუ როგორი იქნება ჩემი ურთიერთობა ჩემს გუნდთან ამაზე მოგვიანებით ჩამოვყალიბდებით. მთელი ამ თვეების განმავლობაში პირადად ჩემი პასუხისმგებლობა იყო ჩვენი პარტნიორებისთვის, როგორც აშშ-ში, ასევე ბრიუსელში, სტრასბურგში და სხვადასხვა დედაქალაქებში ჩვენი გადაწყვეტილების გაცნობა.მე თვითონ ველაპარაკებოდი ამ ადამიანებს და ვუქმნიდი ამის მოლოდინს, რომ ასეთი საკონსტიტუციო ცვლილებები განხორციელდებოდა და ბუნებრივია გამიჭირდებოდა მათთვის ამეხსნა რატომ ვერ შევძელით ასე თამამად გაცემული პირობის შესრულება. ის , რომ საერთაშორისო პარტნიორების მხრიდან მწვავე  განცხადებები კეთდება  არ მიკვირს, რადგან ჩვენ ამ დროის განმავლობაში ყველას ვარწმუნებდით და ვამბობდით, რომ საარჩევნო სისტემა შეიცვლებოდა,“, - ამბობს ჩუგოშვილი.

ავტორი: ექსპრესნიუსი,

სოციალური ქსელები

„ჩვენ გვჭირდება შემაკავებელი ორდერი“- ტრამპი მელონის კიდევ ერთხელ დასცინის

ლუკაშენკო: ბელარუსს ბრძოლა არ სურს, მაგრამ მტრის წინაშე თავს არ დახრის

სკოლებში ქიმიის სწავლება მე-7 კლასიდან დაიწყება, გაიყოფა ქართული ენისა და ლიტერატურის საგანი

ერდოღანი და ტრამპი უკრაინასთან დაკავშირებით თურქეთის ინიციატივებს განიხილავენ