შინაგან საქმეთა მინისტრის პირველმა მოადგილემ 20-21 ივნისის მოვლენების და საპოლიციო ძალების მიერ გამოყენებული არალეტალური ტყვიების შესახებ ჟურნალისტების კითხვებს უპასუხა.

კახა საბანაძის განცხადებით, შინაგან საქმეთა სამინისტრო მხრიდან არანაირი გრიფირება არ მომხდარა და სამინისტრო კიდევ ერთხელ, ნებისმიერ დროს, ნებისმიერ ფორმატში, ამ მიმართულებით მსჯელობისთვის მზად არის.

"გეტყვით, რომ ჩვენ ყველა დაინტერესებულ მხარესთან აქტიურად ვთანამშრომლობთ. შინაგან საქმეთა სამინისტრო, რა თქმა უნდა, ინარჩუნებს ტრანსპარანტულობას აბსოლუტურად ყველა მიმართულებით.

არანაირ გრიფირებას ადგილი არ ჰქონია და მეტსაც გეტყვით, რომ მზად ვართ, კიდევ ერთხელ, ნებისმიერ დროს, ნებისმიერ ფორმატში ვიმსჯელოთ ამ მიმართულებით.

რაც შეეხება არალეტალური ტყვიებს, რომელებიც გამოყენებული იყო კონკრეტული ღონისძიების დროს, კიდევ ერთხელ ხაზს ვუსვამ, რომ ეს არის არალეტალური ტყვიები, რომელებიც განკუთვნილია მსგავსი ღონისძიებების ორგანიზებისა და მასების მართვის პროცესში.  

როგორც იცით, პროკურატურა აწარმოებს გამოძიებას, შესაბამისად, ჩვენი პრეროგატივა არ არის. რა თქმა უნდა, შესაძლოა, იქ არის რაღაც კონკრეტული მომენტები, რომელებიც გრიფირებულია, როცა კონკრეტულ გეგმას ეხება და ეს არავისთვის დასამალი არ არის, ეს არაერთხელ მომხდარა. რაც შეეხება კონკრეტულად გასაიდუმლოებას, კიდევ ერთხელ ხაზს ვუსვამ, რომ ჩვენ ვცდილობთ ვიყოთ მაქსიმალურად ტრანსპარანტულები", - განაცხადა შინაგან საქმეთა მინისტრის პირველმა მოადგილემ.

(NS)

ავტორი: ექსპრესნიუსი,

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!