„შეუძლებელი იქნება გრძელვადიან პერიოდში ეკონომიკრი ზრდის მიღწევა, თუ ქვეყანაში განათლების ხარისხი არ იქნება მაღალი, - ამის შესახებ ფინანსთა მინისტრის მოადგილე გიორგი კაკაურიძემ, ჟურნალისტებთან დახურულ შეხვედრაზე განაცხადა, სადაც 2020 წლის ბიუჯეტის დასამტკიცებელ პროექტს განიხილავდნენ.

სამინისტროს წარმომადგენლების განცხადებით, მომავალ წელსაც, ისევე როგორც მიმდინარე წელს, ქვეყნის ბიუჯეტის პირველი პრიორიტეტული მიმართულება განათლების სფერო იქნება.

"იმისათვის, რომ სამომავლოდ, მდგრად ეკონომიკურ ზრდას მივაღწიოთ, აუცილებელია ქვეყანაში მაღალი ხარისხის განათლება გვქონდეს. მაღალი ხარისხის განათლების სისტემა არის ის ძირითადი მიმართულება, რაც არამხოლოდ 2020 წელს, არამედ, მინიმუმ 10 წლის განმავლობაში, პრიორიტეტად დარჩება ჩვენი ქვეყნის ბიუჯეტში. ამ მხრივ, პირველი ნაბიჯები წელს უკვე გადაიდგა. განათლების რეფორმა დაიწყო და მნიშვნელოვანი ცვლილებებიც დაიგეგმა, თუმცა, რაც უნდა კარგი სასწავლო ლიტერატურა გვქონდეს, რაც უნდა კარგი მეთოდოლოგია გვქონდეს, აუცილებელია, მასწავლებლებს, რომლებიც ერთსა და იმავე ადგილზე მუშაობენ უკვე ათობით წელი, ჰქონდეთ გაზრდილი მოტივაცია და მათი ხელფასი ოდნავ მაინც მოდიოდეს შესაბამისობაში სხვა საჯარო მოხელეების ხელფასთან,"- განაცხადა გიორგი კაკაურიძემ.

ფინანსთა მინისტრის მოადგილის განმარტებით, მასწავლებლის ხელფასი ყოველწლიურად უნდა გაიზარდოს და 2023 წლისთვის ის, საშუალოდ, სხვა საჯარო მოხელეების ხელფასსს უნდა გაუთანაბრდეს.

მასწავლებლის ხელფასის ზრდის გარდა, ქვეყნის მომავალი წლის ბიუჯეტი საგანმანათლებლოს სისტემის ინფრასტრუქტურული პროექტების დაფინანსებასაც ითვალისწინებს, რისთვისაც ბიუჯეტში 280 მილიონი ლარია გათვალისწინებული.

ნონა ქარქაშაძე

ავტორი: ექსპრესნიუსი,

სოციალური ქსელები

War Zone: ტაივანმა აშშ-სგან პირველი ორი F-16C Block 70 გამანადგურებელი მიიღო

Bloomberg: აშშ ტაივანის მახლობლად მდებარე კუნძულზე ხომალდსაწინააღმდეგო სარაკეტო სისტემას განათავსებს

რუსეთის ირკუტსკისრეგიონში ჭირის ინფექციის გამო საავადმყოფოში თითქმის 200 ადამიანია მოთავსებული

The Telegraph: ლაიფციგის აეროპორტის დივერსია რუსმა მოტოციკლისტმა დაგეგმა, რომელსაც ГРУ-სთან კავშირი ჰქონდა