თბილისის საქალაქო სასამართლოს გადაწყვეტილებით,  გუშინ, თბილისის კინოთეატრებთან ადმინისტრაციული სამართალდარღვევისთვის დაკავებული 24 პირიდან 21-ის სასამართლო პროცესი გადაიდო, 2 - ხელწერილით გათავისუფლდა, ერთს კი 500 ლარიანი ჯარიმა დაეკისრა.

სასამართლოს გადადების მიზეზი ადვოკატის შუამდგომლობა გახდა, რომელმაც მოსამართლეს მტკიცებულებების გასაცნობად და საქმეზე წარსადგენად საჭირო დრო მოთხოვა.

მოსამართლემ ადვოკატის მოთხოვნა დააკმაყოფილა და სასამართლო პროცესი 11 დეკემბრამდე გადადო.

შეგახსენებთ, შინაგან საქმეთა სამინისტროს მიერ, თბილისსა და ბათუმში, ადმინისტრაციულ სამართალდარღვევათა კოდექსის 173-ე (სამართალდამცავი ორგანოს თანამშრომლის კანონიერი მოთხოვნისადმი დაუმორჩილებლობა) და 166-ე (ხულიგნობა) მუხლებით გათვალისწინებული სამართალდარღვევის ფაქტებზე სულ დაკავებულია 27 პირი, მათ შორის 24 - თბილისში, 3 - ბათუმში.

სამართალდამცველები აგრძელებენ ოპერატიულ-საგამოძიებო ღონისძიებებს. კანონდამრღვევი პირების დადგენისა და შესაბამისი სამართლებრივი რეაგირების მიზნით მიმდინარეობს ინციდენტების ამსახველი ფოტო-ვიდეო მასალების დამუშავება.

ავტორი: ექსპრესნიუსი,

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!