„ასეთ მოვლენებს, რასაც გუშინ ჰქონდა ადგილი, ვფიქრობ, ზედმეტი დრო და ენერგია აღარ უნდა დავუთმოთ“, - ამის შესახებ პარლამენტის თავმჯდომარე არჩილ თალაკვაძემ ფილმის „და ჩვენ ვიცეკვეთ“ პრემიერასთან დაკავშირებით განვითარებულ მოვლენებზე საუბრისას განაცხადა.

როგორც მან აღნიშნა, ყველა ადამიანს აქვს უფლება თავისი თავი ხელოვნებაში გამოხატოს ისე, როგორც საჭიროდ თვლის.

ამასთან, თალაკვაძემ შსს-ს და პოლიციელებს საზოგადოებრივი წესრიგის დაცვისთვის მადლობა გადაუხადა.

„მინდა მადლობა გადავუხადო შინაგან საქმეთა სამინისტროს და ჩვენს პოლიციელებს, რომლებმაც მიუხედავად დაძაბულობისა შეძლეს საზოგადოებრივი წესრიგის დაცვა და ძალადობის პრევენცია. იმ ერთეულ ფაქტებზე, სადაც მოქალაქეებმა, რომლებიც საპროტესტო აქციაში მონაწილეობდნენ ძალადობას მიმართეს, რეაგირება იყო მყისიერი. ვფიქრობ, დღეს უფრო მეტად უნდა ვიყოთ ორიენტირებული მომავალზე. საქართველოს სჭირდება სიმშვიდე, კანონის უზენაესობა და მნიშვნელოვანია, რომ პოზიტიური დღის წესრიგი გავატაროთ. ასეთ მოვლენებს, რასაც გუშინ ჰქონდა ადგილი, ვფიქრობ, ზედმეტი დრო და ენერგია აღარ უნდა დავუთმოთ. მნიშვნელოვანია, რომ ადამიანის უფლებები დაცული იყოს და სახელმწიფო ამას გააკეთეს“, - განაცხადა თალაკვაძემ.

შეგახსენებთ, გუშინ, ფილმის „და ჩვენ ვიცეკვეთ“ პრემიერასთან დაკავშირებით გამართულ საპროტესტო აქციაზე სამართალდამცველებმა 27 პირი დააკავეს, მათ შორის 24 თბილისში, 3 კი, ბათუმში. აქციის მიმდინარეობისას დაშავდა რამდენიმე ადამიანი. ერთ-ერთი დაშავებული სამოქალაქო აქტივისტი ანა სუბელიანია, რომელმაც განაცხადა, რომ აქციის მონაწილემ თავის არეში ქვა ესროლა.

ავტორი: ექსპრესნიუსი,

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!