ენერგეტკის მინისტრის, ვიცე-პრემიერ კახი კალაძის განცხადებით, ვახტანგ გომელაურმა შს მინისტრის თანამდებობაზე მუშაობის პერიოდში, დაკისრებულ მოვალეობას თავი ღირსეულად გაართვა. კახი კალაძე გომელაურს ახალ თანამდებობაზე წარმატებებს უსურვებს.
"ვახტანგი არის მართლაც ღირსეული პიროვნება, ღირსეული ადამიანი. მან ამ ხნის განმავლობაში,  რაც შს მინისტრი იყო, მართლაც ღირსეულად გაართვა თავი თავის გუნდთან ერთად  და მას მართლაც გულწრფელად მინდა წარმატებები ვუსურვო ჩვენი ხალხის,  ჩვენი ქვეყნის გასაძლიერებლად. დარწმუნებული ვარ, ამ დიდ საპასუხისმგებლო საქმეს თავს ღირსეულად გაართმევს",-განაცხადა კახი კალაძემ.
რაც შეეხება გავრცელებულ ინფორმაციას, რომ შინაგან საქმეთა მინისტრად შესაძლოა, გარემოს დაცვის მინისტრი, გიგლა აგულაშვილი დაინიშნოს, კალაძე აცხადებს, რომ აღნიშნულის თაობაზე  პირველად ესმის.
"ამაზე არ ყოფილა მსჯელობა",-განაცხადა კახი კალაძემ.
ცნობისთვის, ვახტანგ გომელაური სახელმწიფო უსაფრთხოების სამსახურს  უხელმძღვანელებს.  შინაგან საქმეთა ახალი მინისტრის ვინაობა კი, უახლოეს დღეებში გახდება ცნობილი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შარაშიძე – ნებისმიერი პარტიის აკრძალვა არადემოკრატიული გადაწყვეტილებაა, პარტია უნდა აკრძალოს მხოლოდ ხალხმა

შოიგუ: დასავლეთი უცერემონიოდ ერევა საქართველოში არსებულ ვითარებაში

Nordwind Airlines-ი რუსეთის 15 ქალაქიდან რეისებს სოჭის ნაცვლად სოხუმის აეროპორტში გადაიტანს

ელისაშვილი მდინარაძეს - გენერლის სტატუსი არ ჰქონდა, ლეიტენანტი იყო, როცა ვცემე და დაწყებული საქმე უნდა დავასრულო