ყოფილ დეპუტატს, „რეპუბლიკური პარტიის“ წევრ დავით ბერძენიშვილს, კინოთეატრ „ამირანთან“ შეკრებილი ძალადობრივი ჯგუფების წარმომადგენლებმა ფიზიკური და სიტყვიერი შეურაცხყოფა მიაყენეს.

აქციის მონაწილეების გაღიზიანება ბერძენიშვილის განცხადებებს, მოჰყვა, რომელმაც სოლიდარობა გამოუცხადა იმ ადამიანებს, ვისაც ფილმის „და ჩვენ ვიცეკვეთ“ ნახვა სურს.

„მე სოლიდარობას ვუცხადებ იმ ხალხს, ვისაც უნდა ფილმის ნახვა და ეს ადამიანები, რომლებიც აქ ჯგროდ არიან მაგრები, როცა ვეუბნები, რომ ინდივიდუალურად მოვიდნენ, მაშინ კურდღლები ხდებიან. მთავარი და არსებითი არის ის, რომ ეს არის ხელოვნება და ადამიანებს აქვთ უფლება ნახონ ფილმი. აქ მყოფი ხალხი, რომლებსაც ჰქონდათ კომუნისტური მანდატები, ახლა გახდნენ მორწმუნეები“, - განაცხადა დავით ბერძენიშვილმა.

ამის შემდეგ ბერძენიშვილს აქციის ერთ-ერთი მონაწილე ფიზიკურად დაუპირისპირდა. დეპუტატმა ტერიტორია პოლიციის თანხლებით დატოვა.

ცნობისთვის, კინოთეატრ „ამირანთან“, სადაც ფილმის „და ჩვენ ვიცეკვეთ ჩვენება“ პრემიერას აპროტესტებენ, დაძაბული ვითარებაა. მიმდებარე ტერიტორიაზე ძალადობრივი ჯგუფები არიან შეკრებილი და შენობაში შესვლას ცდილობენ, თუმცა მათ ამის საშუალებას პოლიცია არ აძლევს. ცოტა ხნის წინ პოლიციის კორდონის გარდა, ადგილზე სპეციალური დანიშნულების რაზმის წარმომადგნლებიც განლაგდნენ.

ავტორი: ექსპრესნიუსი,

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!