უფლებადამცველმა დიმიტრი ლორთქიფანიძემ ქართულ-შვედური ფილმის "და ჩვენ ვიცეკვეთ" პრემიერასთან დაკავშირებით, შსს-ს და პროკურატურას მიმართა და ჩვენების გარკვეული დროით გადადება მოითხოვა. 

კერძოდ, ყოფილი დეპუტატი აღნიშნავს, რომ ფილმი პორნოგრაფიულ კონტენტებს შეიცავს და მისი ჩვენება მანმდე უნდა გადაიდოს, ვიდრე ამ მიმართულებით ექსპერტიზა არ ჩატარდება: 

„დღეს იქნება უპრეცედენტო ხასიათის პროტესტი. პროტესტი მთლიანად იქნება დამყარებული სამართლებრივ არგუმენტებზე. იმდენად რკინისებური იქნება ჩვენი არგუმენტები ამ ფილმის ჩვენების შეჩერების გარდაუვალობასთან დაკავშირებით, რომ თავად საზოგადოება დარწმუნდება, მას შემდეგ რაც მტკიცებულებებს წარმოვადგენთ.

გუშინ ჩვენ მივმართეთ შინაგან საქმეთა სამინისტროსა და მთავარ პროკურატურას ორი ძირითადი არგუმენტის მოშველიებით. დღეს დამატებითი დანართის სახით მტკიცებულებებს წარვუდგენთ შინაგან საქმეთა სამინისტროს, რომ ფილმი „და ჩვენ ვიცეკვეთ“ შეიცავს პორნოგრაფიულ კონტენტებს, რაც ჩვენი სისხლის სამართლის კოდექსის 255-ე მუხლის პირველი ნაწილის თანახმად, არის გამომრიცხავი გარემოება ასეთი ფილმის კინოჩვენებაში და კინოგაქირავებაში ჩაშვებასთან დაკავშირებით. მეორე და არც თუ ნაკლები არგუმენტის მტკიცებულება გახლავთ ის, რომ ამ ფილმის გაშვების ორგანიზატორებს ეყოთ თავხედობა და ცენტრალურ აფიშებზე დაიტანეს ასაკობრივი ცენზის განმსაზღვრელი გრიფი ლათინური ასობგერა – R, რაც იმას ნიშნავს, რომ ამ ფილმზე დასწრების უფლება აქვთ როგორც მცირეწლოვნებს, ისე არასრულწლოვნებს როგორც მშობლის ან მოზრდილი ადამიანის თანდასწრებით, რაც პორნოგრაფიული კონტენტის არსებობის შემთხვევაში ვერ იცავს მოზარდებს მავნე ზეგავლენისგან“, – განაცხადა დიმიტრი ლორთქიფანიძემ.

ავტორი: ექსპრესნიუსი,

სოციალური ქსელები

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!

კობახიძე ამტკიცებს, რომ ტრამპს და რუბიოს ესაუბრა

კაცმა ფარულად შეაღწია საცხოვრებელ სახლში, ბლაგვი საგნით და ცივი იარაღით დაზიანებები მიაყენა თანასოფლელ, ხანდაზმულ ქალს, დანაშაულის ადგილს ცეცხლი წაუკიდა და მიიმალა - ქალი ადგილზე გარდაიცვალა