ჩვენ ვიხილეთ ეკლესიასა და  მის ლიდერზე შეტევები, საზოგადოების რეაქციამ დაამტკიცა ჩვენი შესაძლებლობები მსგავს მანიპულაციებთან გასამკლავებლად – ამის შესახებ საქართველოს პრეზიდენტმა, სალომე ზურაბიშვილმა საქართველოს თავდაცვისა და უსაფრთხოების კონფერენციაზე  (GDSC) სიტყვით გამოსვლისას განაცხადა.

პრეზიდენტის თქმით,  ბოლო დროს საქართველოს ეკლესიასა და მის ლიდერზე დესტრუქციული ხასიათის შეტევები ხორციელდებოდა, თუმცა საზოგადოების კონსოლიდირებულმა რეაქციამ აჩვენა შესაძლებლობები მსგავსი მანიპულაციების წინააღმდეგ.

"ბოლო პერიოდში ვიხილეთ როგორც ემუქრება  „ფეიკ ნიუსები“ ჩვენი საზოგადოების საფუძველს. ეს იყო დესტრუქციული ხასიათი, ბოლო დროინდელი შეტევისა საქართველოს ეკლესიის და მის ლიდერზე. საბედნიეროდ საზოგადოების კონსოლიდირებულმა რეაქციამ, როდესაც ასეთი გამოწვევების წინაშე აღმოვჩნდით, დაამტკიცა თავისი სიმწიფე და ასეთი მანიპულაციების წინ აღუდგა", - განაცხადა სალომე ზურაბიშვილმა. 

შეგახსენებთ, საქართველოს თავდაცვისა და უსაფრთხოების (GDSC)  რიგით მე-13 კონფერენცია ქალაქ ბათუმში, სასტუმრო „ჰილტონში“ მიმდინარეობს.

ავტორი: ექსპრესნიუსი,

სოციალური ქსელები

ზელენსკიმ აშშ სისუსტეში დაადანაშაულა

აშშ-მ რუსეთიდან დიზელის საწვავის მიწოდებაზე სანქციები 7 აპრილამდე მოხსნა

ტრამპმა პუტინთან მილიონობით ტონა დიზელის საწვავის მიწოდების შესახებ შეთანხმების შესახებ განაცხადა

PSP-ს საერთაშორისო აღიარება - Curasept-ის ჯილდო საუკეთესო საგანმანათლებლო პროექტისთვის